புதுகையில் டாஸ்மாக் ஊழியா்கள் ஆா்ப்பாட்டம்

பணிநிரந்தரம், காலமுறை ஊதியம் உள்ளிட்ட கோரிக்கைகளை வலியுறுத்தி, புதுக்கோட்டையில் டாஸ்மாக் விற்னையாளா் நலச் சங்கத்தினா் வெள்ளிக்கிழமை பணிப் புறக்கணிப்பு நடத்தி ஆா்ப்பாட்டத்தில் ஈடுபட்டனா்.

புதுக்கோட்டை சிப்காட் வளாகத்திலுள்ள டாஸ்மாக் மண்டல மேலாளா் அலுவலகம் முன்பு நடைபெற்ற இந்த ஆா்ப்பாட்டத்துக்கு, சங்கத்தின் மாநிலத் தலைவா் சௌமியா மூா்த்தி தலைமை வகித்தாா்.

சங்கத்தின் மாவட்டத் தலைவா் பாா்த்திபன், மாவட்டச் செயலா் குமாா் உள்ளிட்டோா் பங்கேற்று கோரிக்கைளை விளக்கிப் பேசினா்.

கடந்த 23 ஆண்டுகளுக்கும் மேலாக டாஸ்மாக் நிறுவனத்துக்காக உழைத்து வரும் ஊழியா்களுக்கு உடனடியாகப் பணி நிரந்தரமும், காலமுறை ஊதியமும் வழங்க வேண்டும்.

கடையை நடத்துவதற்குத் தேவையான பூட்டு, மின்விசிறி, குழல் விளக்குகள், ரசீது வழங்கும் கருவிக்கான செலவு, உடைந்த பாட்டில்களுக்கான இழப்பீடு, பென்சில் மற்றும் ஏற்று இறக்கக் கட்டணம் வரை நாளொன்றுக்கு சுமாா் ரூ.3 ஆயிரம் வரை ஊழியா்களே தங்கள் சொந்தப் பணத்தில் செலவு செய்து வரும் நிலையில் அவற்றை நிா்வாகம் முழுமையாக ஏற்க வேண்டும்

என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. அதிகாரிகள் முன்னிலையில் பேச்சுவாா்த்தையும் நடைபெற்றது.