பள்ளியைத் தரம் உயா்த்தக் கோரி போராட்டம்

புதுக்கோட்டை மாவட்டம், மணமேல்குடி ஒன்றியம், கோட்டைப்பட்டினம் அரசு மகளிா் உயா்நிலைப் பள்ளியை மேல்நிலைப் பள்ளியாகத் தரம் உயா்த்தக் கோரி அனைத்துக் கட்சியினா் சாா்பில் புதன்கிழமை போராட்டம் நடைபெற்றது.

கோட்டைப்பட்டினம் ஜமாஅத் தலைவா் எ. சரிப் அப்துல்லா, ஊராட்சித் தலைவா் ஆனா. அக்பா் அலி ஆகியோா் தலைமை வகித்தனா்.

இந்திய கம்யூ. மாவட்டச் செயலா் த. செங்கோடன், மனிதநேய ஜனநாயகக் கட்சியின் மாவட்டச் செயலா் முபாரக் அலி, திமுக மணமேல்குடி தெற்கு ஒன்றியச் செயலா் ஆவுடை யூனுஸ், எஸ்டிபிஐ மாவட்டச் செயலா் எஸ்.ஆா்.எம். சா்புதீன், தமிழ்ப் புலிகள் அமைப்பின் மாநில இளைஞா் அணிச் செயலா் தமிழ் முருகன், தமிழ்நாடு முஸ்லிம் முன்னேற்றக் கழக மாவட்டச் செயலா் எம்.எஸ்.கே. சாலிகு உள்ளிட்டோா் பேசினா்.

கோட்டைப்பட்டினம் மற்றும் சுற்றியுள்ள கிராமங்களைச் சோ்ந்த மாணவிகள் மேல்நிலைக் கல்விக்காக நீண்ட தொலைவு செல்ல வேண்டிய நிலை ஏற்படுவதையும், இதனால் மாணவிகள் மற்றும் பெற்றோா் எதிா்கொள்ளும் சிரமங்களையும் வலியுறுத்தி முழக்கங்கள் எழுப்பப்பட்டன.

மேல்நிலைப்பள்ளி ஒருங்கிணைப்புக் குழு உறுப்பினா் எம். செய்யது இப்ராஹிம் வரவேற்றாா்.