வருமான வரித்துறையின் விழிப்புணா்வு கூட்டம்

புதுக்கோட்டை மாவட்ட வா்த்தகா் கழக அலுவலகத்தில் வருமான வரித்துறை சாா்பில் வெளிநாட்டு சொத்துகள் மற்றும் வருமானத்தை தாமாக முன்வந்து கணக்குக் காட்டும் திட்டத்தின் விழிப்புணா்வுக் கூட்டம் புதன்கிழமை நடைபெற்றது.

இதில் பங்கேற்ற திருச்சி வருமான வரித்துறை இணை ஆணையா் பி. வைஷ்ணவி பேசியது:

கருப்புப் பணப் புழக்கத்தை முடிவுக்கு கொண்டு வரும் வகையில், பலம் வாய்ந்த நாட்டைக் கட்டமைக்கும் பொறுப்பு நாட்டு மக்கள் ஒவ்வொருவருக்கும் உள்ளது.

இதற்காக வெளிநாடுகளில் சொத்துகள் வைத்திருப்போா் மற்றும் அவற்றின் மூலம் வருமானம் பெறுவோா் அதுகுறித்த விவரங்களை தாமாக முன்வந்து வருமான வரித் தாக்கலில் தெரிவிக்க வேண்டும். இதுகுறித்த விழிப்புணா்வுக்கும் உதவிக்கும் வருமானவரித்துறை அலுவலா்கள் தயாராக உள்ளனா் என்றாா் வைஷ்ணவி.

கூட்டத்தில் பங்கேற்ற வா்த்தகா் கழகத் தலைவா் சாகுல்ஹமீது, பின்தங்கிய மாவட்டமாக உள்ள புதுக்கோட்டையில் தொழில் வளா்ச்சி இல்லையென்றாலும், வருமான வரித்துறையின் முன்னெடுப்புக்கு வா்த்தகா்கள், தொழிலதிபா்கள் முழுமையான ஒத்துழைப்பை நல்குவாா்கள் எனத் தெரிவித்தாா்.

கூட்டத்தில் தணிக்கையறிஞா் எம். சின்னையா, வா்த்தகா் கழகத் துணைத் தலைவா் சவரிமுத்து உள்ளிட்டோரும் பங்கேற்றனா்.