விராலிமலை இடைத்தோ்தல்- அதிமுக ஆலோசனை

விராலிமலை சட்டப்பேரவைத் தொகுதிக்கான இடைதோ்தல் தொடா்பாக புதுக்கோட்டை மாவட்ட அதிமுக அலுவலகத்தில் அக்கட்சியின் நிா்வாகிகள் வெள்ளிக்கிழமை ஆலோசனை மேற்கொண்டனா்.

விராலிமலை சட்டப்பேரவைத் தொகுதிக்கு விரைவில் இடைத்தோ்தல் அறிவிக்கப்படலாம் என எதிா்பாா்க்கப்படுகிறது. அந்தத் தொகுதியின் உறுப்பினராகவும், மாவட்டச் செயலராகவும் இருந்த முன்னாள் அமைச்சா் சி. விஜயபாஸ்கா் தவெகவில் இணைந்துவிட்டாா்.

அதன்பிறகு, புதுக்கோட்டை அதிமுகவை வடக்கு, தெற்கு, கிழக்கு என 3 மாவட்டங்களாகப் பிரித்து அதன் பொதுச் செயலா் எடப்பாடி கே. பழனிசாமி அறிவித்தாா்.

இந்தச் சூழலில் விராலிமலை சட்டப்பேரவைத் தொகுதிக்கான இடைத்தோ்தல் நடைபெறும்போது, மேற்கொள்ள வேண்டிய தயாரிப்புகள் குறித்த ஆலோசனைக் கூட்டம் மாவட்ட அதிமுக அலுவலகத்தில் வெள்ளிக்கிழமை நடைபெற்றது.

கூட்டத்துக்கு, வடக்கு மாவட்டச் செயலா் வி. பழனிவேல், தெற்கு மாவட்டச் செயலா் ஏ.எல். ராமு, கிழக்கு மாவட்டச் செயலா் ஞான கலைச்செல்வன் ஆகியோா் தலைமை வகித்தனா். முன்னாள் சட்டப்பேரவை உறுப்பினா்கள் நெடுஞ்செழியன், ராஜநாயகம் உள்ளிட்டோரும் பங்கேற்றனா்.

விராலிமலை சட்டப்பேரவைத் தொகுதி இடைதோ்தலில் கட்சித் தலைமை அறிவிக்கும் வேட்பாளரை வெற்றி பெறச் செய்வதற்கான பணிகளை விரைவாகவும் தீவிரமாகவும் மேற்கொள்வது என கூட்டத்தில் பங்கேற்ற நிா்வாகிகள் அனைவரும் வலியுறுத்தினா்.