இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

ஆலம்பட்டிபுதூருடன் இணைத்ததற்கு எதிா்ப்பு ராஜா காட்டுபட்டி மயானத்தில் குடியேறி கிராம மக்கள் போராட்டம்

விராலிமலை அருகே மயானத்தில் குடியேறுவதற்காக திங்கள்கிழமை கருப்புக் கொடியுடன் சென்ற ராஜாகாட்டுபட்டி மக்கள்.

Updated On :

புதுக்கோட்டை மாவட்ட எல்லையில் உள்ள ராஜா காட்டுபட்டியை திருச்சி மாவட்டம், ஆலம்பட்டி புதூருடன் இணைத்ததற்கு எதிா்ப்பு தெரிவித்து கிராம மக்கள் திங்கள்கிழமை மயானத்தில் குடியேறி போராட்டத்தில் ஈடுபட்டனா்.

புதுக்கோட்டை மாவட்ட எல்லையில் உள்ள ராஜாகாட்டுபட்டி திருச்சி மாவட்டம், இனாம் குளத்தூா் ஊராட்சியின் கட்டுப்பாட்டில் இருந்து வந்தது. இங்கு நூற்றுக்கும் மேற்பட்ட குடும்பங்கள் வசித்து வருகின்றனா். இந்நிலையில், நிா்வாக வசதிக்காக ராஜாகாட்டுபட்டியை ஆலம்பட்டிபுதூருடன் மாவட்ட நிா்வாகம் அண்மையில் இணைத்தது.

இதனை ஏற்காத ராஜாகாட்டுபட்டி பொதுமக்கள், இந்த உத்தரவை ரத்து செய்ய வேண்டும். ஏற்கெனவே இருந்த இனாம் குளத்தூா் ஊராட்சியிலேயே ராஜா காட்டுபட்டியை மீண்டும் இணைக்க வேண்டும்.

மேலும், ராஜா காட்டுபட்டியில் கழிவறை, விளையாட்டு திடல் மற்றும் அதிநவீன அங்கன்வாடி மையம் ஏற்படுத்தி தர வேண்டும். அதிக இரைச்சலுடன் இரவுநேரங்களில் செயல்படும் கல்குவாரி மீது நடவடிக்கை எடுக்க வேண்டும். பேருந்து வசதியை விரிவுபடுத்த வேண்டும் என்பன உள்ளிட்ட கோரிக்கைகளை வலியுறுத்தி ராஜா காட்டுபட்டி பொதுமக்கள் நூற்றுக்குமேற்பட்டோா் திங்கள்கிழமை மயானத்தில் குடியேறி கருப்புக் கொடி ஏந்தி போராட்டத்தில் ஈடுபட்டனா்.

தகவலறிந்து வந்த ஸ்ரீரங்கம் கோட்டாட்சியா் தமிழ்மணி போராட்டத்தில் ஈடுபட்டவா்களுடன் பேச்சுவாா்த்தை நடத்தினாா். அதில், ராஜாகாட்டுபட்டியை மீண்டும் இனாம்குளத்தூா் ஊராட்சியில் சோ்ப்பது தொடா்பாக தற்போது நடைபெற்று கொண்டிருக்கும் மக்கள் தொகை கணக்கெடுப்புப் பணி நிறைவடைந்த பிறகு கருத்துரு அனுப்பப்படும். மேலும், மாவட்ட நிா்வாகத்துடன் ஆலோசனை நடத்தி கிராம மேம்பாட்டு வசதிகள் செய்து தர நடவடிக்கை எடுக்கப்படும் என்றாா். இதையடுத்து, பொதுமக்கள் போராட்டத்தை கைவிட்டு கலைந்து சென்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.