வெளிநாடுகளில் பயிலும் முஸ்லிம் மாணவா்களுக்கு உதவித் தொகை

புதுக்கோட்டை மாவட்டத்தைச் சோ்ந்த வெளிநாடுகளில் பயிலும் சிறுபான்மையின முஸ்லிம் மாணவா்கள் அரசின் உதவித் தொகை பெற விண்ணப்பிக்கலாம்.

இதுகுறித்து மாவட்ட ஆட்சியா் மு. அருணா வெளியிட்ட செய்திக்குறிப்பு: மாநில சிறுபான்மையினா் நலத் துறை சாா்பில் வெளிநாடுகளில் பயிலும் முஸ்லிம் மாணவா்களுக்கு அரசின் உதவித் தொகை ரூ. 36 லட்சம் வரை வழங்கப்படுகிறது.

குடும்ப ஆண்டு வருமானம் ரூ. 8 லட்சத்துக்கு மிகாமல் உள்ள, கல்வியில் 60 சதவிகிதம் அல்லது அதற்கு இணையான தோ்ச்சியைப் பெறும் மாணவா்கள் இந்த உதவித் தொகையைப் பெறலாம்.

மேலும் விவரங்களுக்கும் விண்ணப்பங்களுக்கும் இணையதளத்தைப் பாா்க்கலாம்.