பாபநாசம் அருகே:வேன்-இருசக்கர வாகனம் மோதல்: இளைஞர் சாவு

பாபநாசம் அருகே தனியார் கல்லூரி வாகனமும் இரு சக்கர வாகனமும் மோதிக் கொண்ட விபத்தில் இளைஞர் உயிரிழந்தார்.

அய்யம்பேட்டை காவல் சரகம், நெடுந்தெரு பாலவிநாயகர் கோயில் தெருவை சேர்ந்த ராஜ்கண்ணு மகன் பிரகாஷ் (26). இவர் வெள்ளிக்கிழமை பிற்பகல்

இருசக்கர வாகனத்தில் அய்யம்பேட்டையிலிருந்து நெடுந்தெருவுக்கு வந்து கொண்டிருந்தார். தஞ்சாவூர்-கும்பகோணம் பிரதான சாலையில், நெடுந்தெரு தொடக்க வேளாண்மை கூட்டுறவு சங்க அலுவலகம் அருகே வந்தபோது, பாபநாசத்திலிருந்து அய்யம்பேட்டை நோக்கி சென்ற தனியார் கல்லூரி வாகனமும், பிரகாஷின் வாகனமும் மோதிக் கொண்டன. இதில் தூக்கி வீசப்பட்ட பிரகாஷ், பலத்த காயமடைந்து சம்பவ இடத்திலேயே உயிரிழந்தார்.

தகவலறிந்து சம்பவ இடத்துக்கு வந்த அய்யம்பேட்டை போலீஸார், பிரகாஷின் சடலத்தை கைப்பற்றி அய்யம்பேட்டை அரசு மருத்துவமனைக்கு பிரேத பரிசோதனைக்கு அனுப்பி வைத்தனர்.

மேலும், விபத்து தொடர்பாக வழக்குப் பதிந்து விசாரிக்கின்றனர்.