ஒரத்தநாடு பள்ளியில் அமைதிப் பேரணி

ஒரத்தநாட்டில் ஜெனிவா ஒப்பந்த நாள் விழா மற்றும் ஜே. ஆர்.சி மாணவர்கள் இணைந்து நடத்திய ஒரு நாள் பயிற்சி முகாம் மற்றும் அமைதிப் பேரணி ஒரத்தநாடு அரசு ஆண்கள் மேல்நிலைப் பள்ளியில்  நடைபெற்றது. 
ஒரத்தநாடு கல்வி மாவட்டக் கல்வி அலுவலர் சின்னையன் தலைமை வகித்தார். அரசு ஆண்கள் மேல்நிலைப் பள்ளி தலைமை ஆசிரியர் கிருஷ்ணமூர்த்தி, ஒரத்தநாடு வட்டார கல்வி அலுவலர்  முத்தமிழன் முன்னிலை வகித்தனர். மாலையில் அரசு ஆண்கள் மேல்நிலைப் பள்ளியிலிருந்து ஒரத்தநாடு பேருந்து நிலையம் வரை அமைதிப் பேரணி நடைபெற்றது. பேரணியை தஞ்சாவூர் வருவாய் மாவட்ட கன்வீனர் பிச்சை மணி, ஒரத்தநாடு ஜே.ஆர்.சி மாவட்ட அமைப்பாளர் செல்வராணி, தஞ்சை மீனாட்சி மருத்துவமனை மக்கள் தொடர்பு உதவி அதிகாரி ஜேம்ஸ் ஆகியோர் தொடங்கி வைத்தனர். ஏற்பாடுகளை ஒரத்தநாடு ஒன்றிய ஜே.ஆர். சி கன்வீனர் தமிழ்வாணன் செய்தார்.