முன்னாள் படைவீரர் வாரிசுகள் கல்வி உதவித்தொகை பெறலாம்

நிகழாண்டில் முதலாமாண்டு தொழிற் படிப்பு பயிலும் முன்னாள் படைவீரர்களின் குழந்தைகள் பாரத பிரதமரின் கல்வி உதவித் தொகை பெற விண்ணப்பிக்கலாம்.
இதுகுறித்து மாவட்ட ஆட்சியர் ஆ. அண்ணாதுரை  மேலும் தெரிவித்திருப்பது:
நிகழ் கல்வியாண்டில் முதலாம் ஆண்டு தொழிற்கல்வி பயிலும் முன்னாள் படை வீரர்களின் குழந்தைகளுக்கு பாரத பிரதமரின் கல்வி உதவித் தொகை திட்டத்தின் கீழ் விண்ணப்பங்கள் வரவேற்கப்படுகின்றன.
தகுதியுள்ள முன்னாள் படைவீரர் மற்றும் அவர்களைச் சார்ந்தோரின் வாரிசுதாரர்கள் w‌w‌w.‌k‌s​b.‌g‌o‌v.‌i‌n என்ற இணையதளத்தில் வெளியிடப்பட்டுள்ள விளக்கம் மற்றும் 
விவரக்குறிப்பின்படி, இணைய வழியாக மட்டும் விண்ணப்பிக்க வேண்டும். 
நிகழாண்டில் பல்வேறு புதிய படிப்புகளும் இத்திட்டத்தில் கூடுதலாக அறிமுகப்படுத்தப்பட்டுள்ளது. 
இதற்கான முன்னாள் படை வீரர் நல உதவி இயக்குநரின் படைப்பணிச் சான்று சுருக்கம் பெற முன்னாள் படைவீரரின் அசல் படை விலகல் சான்று, அடையாள அட்டை மற்றும் சிறாரின் கல்விச்சான்றுடன் தஞ்சாவூர் மாவட்ட முன்னாள் படைவீரர் நல உதவி இயக்குநர் அலுவலகத்தை அலுவலக வேலை நாட்களில் நேரில் அணுகலாம். மேலும், இதற்கு 
விண்ணப்பிக்க வேண்டிய கடைசி நாள் நவ. 15. 
தஞ்சாவூர் மாவட்டத்தைச் சார்ந்த தகுதியுடைய முன்னாள் படை வீரர்கள் பாரத பிரதமர் கல்வி உதவித்தொகை பெற இணையதளம் மூலம் விண்ணப்பிக்கலாம்.