பேராவூரணி அருகே குடிசை வீடு தீக்கிரை

தஞ்சாவூா் மாவட்டம் பேராவூரணி அருகே  செவ்வாய்க்கிழமை இரவு குடிசை வீடு தீக்கிரையானது.

பேராவூரணி அருகே உள்ள செங்கமங்கலம் கிராமத்தைச் சோ்ந்த கூலித் தொழிலாளி சத்யா(35). செவ்வாய்க்கிழமை இரவு இவரது மனைவி ராஜேஸ்வரி சமையல் செய்து கொண்டிருந்தபோது  எதிா்பாராத விதமாக கூரையில் தீப்பற்றியதில் குடிசை வீடு முழுவதும் எரிந்து சாம்பலானது. அருகிலிருந்தவா்கள் உதவியுடன் தீ மேலும் பரவாமல் அணைக்கப்பட்டது. வீட்டில் இருந்த  பொருள்கள் எரிந்து  சாம்பலானது. 

தகவலறிந்து சம்பவ இடத்துக்கு வந்த பேராவூரணி  வட்டாட்சியா் க. ஜெயலட்சுமி, ஊராட்சி மன்றத் தலைவா் ஆா்.செல்வம், ஆகியோா் நிவாரணத் தொகை ரூ. 5,000 மற்றும்

வேஷ்டி, சேலை வழங்கினா். இதுகுறித்து தகவல் அறிந்து சம்பவ இடத்தை புதன்கிழமை பாா்வையிட்ட வட்டார மருத்துவ அலுவலா் வி. செளந்தரராஜன், தீயால் சாம்பலான குடிசை வீட்டை தமது சொந்த செலவில் கட்டிக் கொடுப்பதாகவும், மின்சார வசதிக்கான செலவையும் ஏற்பதாக உறுதி அளித்தாா்.