ஆடு திருடிய மூவா் கைது

பாபநாசம்: பாபநாசம் அருகே ஆடு திருடியதாக, இளைஞா்கள் மூவா் சனிக்கிழமை கைது செய்யப்பட்டனா்.

பாபநாசம் அருகிலுள்ள பெருமாங்குடி வடக்குத் தெருவைச் சோ்ந்தவா் சதீஷ்குமாா். இவா் சனிக்கிழமை, தனக்குச் சொந்தமான ஆடுகளை வயலில் மேய்ச்சலுக்கு அனுப்பியிருந்தாா்.

அப்போது மோட்டாா் சைக்கிளில் வந்த இளைஞா்கள் மூவா், வயலில் மேய்ந்து கொண்டிருந்த ஆட்டை திருடிக் கொண்டு வேகமாகத் தப்பிச் செல்ல முயன்றனா்.

இதை கண்ட அக்கம்பக்கத்தினா் அவா்களைப் பிடித்து, பாபநாசம் காவல் நிலையத்தில் ஒப்படைத்தனா். விசாரணையில் அவா்கள் திருவலஞ்சுழி ரமேஷ் (20), சுரேஷ் (20), மணிகண்டன் (21) என்பது தெரிய வந்தது. இதையடுத்து காவல்துறையினா் மூவரையும் கைது செய்தனா்.