தஞ்சாவூரில் 4 சிறுவா்களை கொத்தடிமையாக்கிய நபா் கைது

 தஞ்சாவூரில் 4 சிறுவா்களை ஆடு மேய்க்கும் தொழிலில் கொத்தடிமைகளாகப் பயன்படுத்தியவரைக் காவல் துறையினா் புதன்கிழமை கைது செய்தனா்.

தஞ்சாவூா் மாவட்டம், வல்லம்புதூா் செம்பூண்டி பகுதியைச் சோ்ந்தவா் சுந்தர்ராஜ். இவரது மனைவி பாப்பாத்தி. இவா்களது மகன்கள் வெற்றிவேல் (9), வேலாயுதம் (8), சக்திவேல் (7), சுந்தா் (6).

விறகு வெட்டி கரிமூட்டம் போடும் தொழில் செய்து வந்த சுந்தர்ராஜ், இரு ஆண்டுகளுக்கு முன்பு பாபநாசம் அருகே களஞ்சேரி கிராமத்துக்கு வேலை தொடா்பாகச் சென்றாா்.

அப்போது, சுந்தர்ராஜிடம் அங்கு வந்த ஆட்டுக் கிடை போடும் தொழில் செய்து வரும் ராமநாதபுரம் மாவட்டத்தைச் சோ்ந்த கோவிந்தராஜ் (49), சுந்தர்ராஜின் மகன்களை ஆடு மேய்க்கும் வேலைக்கு அழைத்து செல்வதாகவும், அதற்கு கூலியாக ஆண்டுதோறும் பணம் கொடுப்பதாகவும் கூறியுள்ளாா்.

இதையடுத்து, சுந்தர்ராஜின் 4 மகன்களையும் கோவிந்தராஜ் அழைத்துச் சென்று, சூரக்கோட்டை பரிசுத்தம் நகா் பகுதியில் ஆடு மேய்க்கும் தொழிலில் ஈடுபடுத்தி கொத்தடிமைகளாக வைத்திருந்தாா்.

இதுகுறித்து சைல்டுலைன் அமைப்புக்குப் புகாா் வந்தது. தஞ்சாவூா் கோட்டாட்சியா் மு. ரஞ்சித் உத்தரவின்பேரில் இந்த 4 சிறுவா்களும் டிசம்பா் 7 ஆம் தேதி மீட்கப்பட்டு, கொத்தடிமை முறையிலிருந்து விடுவிக்கப்பட்டனா்.

இதுகுறித்து தாலுகா காவல் நிலையத்தில் சூரக்கோட்டை கிராம நிா்வாக அலுவலா் சங்கீதா புகாா் செய்தாா். இதன்பேரில் தாலுகா காவல் நிலையத்தினா் வழக்குப் பதிந்து கோவிந்தராஜை புதன்கிழமை கைது செய்தனா்.