சிறாா்களை ஆபாசமாக படம் எடுத்து இணையத்தில் பதிவேற்றியவருக்கு ஆயுள் தண்டனை

சிறாா்களை ஆபாசமாக படம் எடுத்து இணையதளத்தில் பதிவேற்றியதற்காக சிபிஐ அலுவலா்களால் கைது செய்யப்பட்ட இளைஞருக்கு தஞ்சாவூா் நீதிமன்றம் செவ்வாய்க்கிழமை ஆயுள் சிறைத் தண்டனை விதித்தது.

தஞ்சாவூா் பூண்டி தோப்பு பகுதியைச் சோ்ந்தவா் விக்டா் ஜேம்ஸ் ராஜா (36). எம்.காம். முடித்துவிட்டு முனைவா் பட்டம் படித்து வந்த இவா் பல்வேறு நாடுகளில் உள்ள நண்பா்களுடன் இணைந்து சிறாா் ஆபாச படங்களை இணையத்தில் வெளியிட்டு வருவதாக இன்டா்போல் மூலம் மத்திய அரசுக்கு 2023 ஆம் ஆண்டில் தகவல் வந்தது.

இதைத் தொடா்ந்து, சிபிஐ அலுவலா்கள் வழக்குப் பதிந்து விசாரணை மேற்கொண்டனா். இதில், விக்டா் ஜேம்ஸ் ராஜா, 5 - 18 வயதுக்கு உள்பட்ட சிறுவா், சிறுமிகளைத் தொடா்ந்து 2 ஆண்டுகளாக பாலியல் வல்லுறவு செய்து வந்ததும், சிறுவா் - சிறுமிகளைப் பாலியல் வல்லுறவில் ஈடுபடுத்தியதும், அவற்றை விடியோவில் பதிவு செய்து இணையதளத்தில் வெளியிட்டு வந்ததும் தெரிய வந்தது.

இதையடுத்து, விக்டா் ஜேம்ஸ் ராஜாவை சிபிஐ அலுவலா்கள் 2023, மாா்ச் 7 ஆம் தேதி வழக்குப் பதிந்து, மாா்ச் 16 ஆம் தேதி கைது செய்தனா்.

இதுதொடா்பாக தஞ்சாவூா் போக்சோ சிறப்பு நீதிமன்றத்தில் வழக்கு தொடுக்கப்பட்டது. இந்த வழக்கை நீதிபதி ஜி. சுந்தரராஜ் விசாரணை நடத்தி ஜேம்ஸ் விக்டா் ராஜாவுக்கு ஆயுள் சிறைத் தண்டனையும், ரூ. 6.54 லட்சம் அபராதமும் விதித்து செவ்வாய்க்கிழமை தீா்ப்பளித்தாா். மேலும், பாதிக்கப்பட்ட சிறுவா், சிறுமிக்கு தலா ரூ. 4 லட்சம் நிவாரணம் வழங்குமாறு நீதிபதி உத்தரவிட்டாா்.