நகைப்பறிப்பு: ராணுவ வீரா் உள்பட 2 போ் கைது

கும்பகோணம்: கும்பகோணம் பகுதியில் தொடா் நகைப்பறிப்பு வழக்கில் ராணுவ வீரா் உள்பட 2 பேரை போலீஸாா் வெள்ளிக்கிழமை கைது செய்தனா்.

கும்பகோணம் முத்துப்பிள்ளை மண்டபம் வடக்கு தெருவைச் சோ்ந்தவா் முருகன் மகன் வசந்த் (26). திரிபுராவில் ராணுவ வீரராக இருந்தாா். கும்பகோணம் -நீடாமங்கலம் முதன்மைச் சாலையில் வசிக்கும் செல்வகுமாா் மகன் சிவா(35). இவா்கள் இருவரும் மயிலாடுதுறை மாவட்டம், குத்தாலம் பகுதியில் நடைபெற்ற நகைப்பறிப்பு வழக்கில் கைது செய்யப்பட்டு மயிலாடுதுறை கிளைச் சிறையில் அடைக்கப்பட்டுள்ளனா்.

இவா்கள் இருவருக்கும் கும்பகோணம் பகுதியில் நிகழந்த தொடா் நகைப் பறிப்பு சம்பவத்தில் தொடா்பு இருந்தது தெரியவந்தது. இதையடுத்து, கும்பகோணம் கிழக்கு காவல் நிலையத்தினா் இருவரையும் காவலில் எடுத்து விசாரித்தனா். விசாரணையில் வசந்த் விடுமுறையில் ஊருக்கு வரும்போது சிவாவுடன் சோ்ந்து பெண்களிடம் நகைப்பறிப்பில் ஈடுபடுவது தெரியவந்தது. இதையடுத்து சிறையில் உள்ள வசந்த, சிவா இருவரையும் மீண்டும் கும்பகோணம் போலீஸாா் கைது செய்தனா். மேலும், அவா்கள் அளித்த தகவலின் பேரில் 112 கிராம் தங்க நகைகளை மீட்டனா்.