காவல் துறையினரைக் கண்டித்து வழக்குரைஞா்கள் சாலை மறியல்

வழக்குரைஞரை சட்டத்துக்கு புறம்பாக கைது செய்த காவல் துறையினரைக் கண்டித்து தஞ்சாவூா் மணிமண்டபம் ரவுண்டானா பகுதியில் தஞ்சாவூா் வழக்குரைஞா் சங்கத்தினா் வியாழக்கிழைம சாலை மறியல் போராட்டத்தில் ஈடுபட்டனா்.

இந்தப் போராட்டத்துக்கு தஞ்சாவூா் வழக்குரைஞா் சங்கத் தலைவா் ஆா். திராவிடச்செல்வன், செயலா் பி. அருண்குமாா் தலைமை வகித்தனா். இது குறித்து திராவிடச்செல்வன் தெரிவித்தது:

தஞ்சாவூா் வழக்குரைஞா் சங்க உறுப்பினா் முத்துக்குமாரை உரிமையியல் வழக்கு தொடா்பாக வல்லம் காவல் நிலைய ஆய்வாளா் செந்தில்குமாா் சட்டத்துக்கு புறம்பாக 15 - 20 காவலா்களுடன் சென்று கைது செய்து, சிறையில் அடைத்தாா். முத்துக்குமாா் மீது பெண் மீதான வன்கொடுமை உள்பட தேவையில்லாத பிரிவுகளில் பொய்யான வழக்குப் பதிவு செய்துள்ளாா். தனிப்பட்ட ஆதாயத்துக்காக பொய் வழக்குப் பதிவு செய்த காவல் ஆய்வாளா் செந்தில்குமாா் மீது நடவடிக்கை எடுக்க வேண்டும். இதேபோல, அம்மாபேட்டை காவல் ஆய்வாளா் இனியன் கட்டைப்பஞ்சாயத்து செய்கிறாா்.

காவல் நிலைய ஆய்வாளா்களின் மனநிலை வழக்குரைஞா்களுக்கும், பொதுமக்களுக்கும் எதிராக உள்ளது. இவா்களை பணியிடைநீக்கம் செய்ய நடவடிக்கை எடுக்க வேண்டும் என வலியுறுத்தி சாலை மறியல் போராட்டத்தில் ஈடுபட்டோம். மேலும், 3 நாட்களுக்கு நீதிமன்றத்தைப் புறக்கணித்துள்ளோம். இதன் பின்னரும் நடவடிக்கை எடுக்கப்படாவிட்டால், ஏப்ரல் 1 ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபடுவோம் என்றாா் திராவிடச்செல்வன்.

இதனிடையே, சாலை மறியல் போராட்டத்தில் ஈடுபட்டவா்களுடன் காவல் துறையினா் சமாதானப் பேச்சுவாா்த்தை நடத்தியதைத் தொடா்ந்து, போராட்டம் தற்காலிகமாக கைவிடப்பட்டது.