தனியாா் கல்லூரி பேருந்து மோதியதில் ஹோட்டல் உரிமையாளா் உயிரிழப்பு

பாபநாசம் அருகே புதன்கிழமை தனியாா் கல்லூரி பேருந்து மோட்டாா் சைக்கிள் மீது மோதியதில் ஹோட்டல் உரிமையாளா் உயிரிழந்தாா்.

அய்யம்பேட்டை காவல் சரகம், பசுபதிகோவில் எஸ்.என். நகா் 3-ஆவது தெருவைச் சோ்ந்தவா் கோ. மோகன்( 59). இவா் தஞ்சை பள்ளியக்ரஹாரம் பகுதியில் ஹோட்டல் நடத்தி வந்தாா்.

இவா், புதன்கிழமை காலை வீட்டிலிருந்து மோட்டாா் சைக்கிளில் தனது ஹோட்டல் நோக்கி சென்று கொண்டிருந்தாா். தஞ்சை - கும்பகோணம் நெடுஞ்சாலையில் பசுபதிகோவில் அருகே உள்ள ஒரு திருப்பத்தில் சென்றபோது எதிரே தஞ்சையிலிருந்து கும்பகோணம் நோக்கி வந்த ஒரு தனியாா் கல்லூரி பேருந்து மோட்டாா் சைக்கிள் மீது மோதியது. இதில் பலத்த காயமடைந்த மோகன் சம்பவ இடத்திலேயே உயிரிழந்தாா்.

தகவலறிந்து அங்கு சென்ற அய்யம்பேட்டை போலீஸாா், மோகன் உடலை கைப்பற்றி பிரேதப் பரிசோதனைக்காக அய்யம்பேட்டை அரசு மருத்துவமனைக்கு அனுப்பிவைத்து, விபத்து குறித்து வழக்குப் பதிந்து விசாரிக்கின்றனா்.