காா் மீது மோட்டாா் சைக்கிள் மோதியதில் ஒருவா் உயிரிழப்பு

பெரம்பலூா் நகரில் காா் மீது மோட்டாா் சைக்கிள் மோதியதில் ஒருவா் நிகழ்விடத்திலேயே புதன்கிழமை உயிரிழந்தாா். மேலும், ஒருவா் பலத்த காயமடைந்து சிகிச்சை பெற்று வருகிறாா்.

பெரம்பலூா் அருகேயுள்ள மருவத்தூா் கிராமத்தைச் சோ்ந்த ஆறுமுகம் மகன் செந்தமிழ்செல்வன் (45). அதே கிராமத்தைச் சோ்ந்தவா் சுப்பையா மகன் மகேந்திரன் (55).

இருவரும், மருவத்தூரிலிருந்து பெரம்பலூருக்கு மோட்டாா் சைக்கிளில் புதன்கிழமை மாலை சென்றுக்கொண்டிருந்தனா். மோட்டாா் சைக்கிளை செந்தமிழ்செல்வன் ஓட்டினாா். பெரம்பலூா் புகா் பேருந்து நிலையம் அருகே சென்றபோது, அதே வழித்தடத்தில் சென்ற காா் திடீரென திரும்பியது.

அப்போது, காா் மீது மோட்டாா் சைக்கிள் மோதியதில் பலத்த காயமடைந்த செந்தமிழ்செல்வன் நிகழ்விடத்திலேயே உயிரிழந்தாா். மகேந்திரன் பலத்த காயமடைந்தாா். தகவலறிந்த பெரம்பலூா் போலீஸாா் நிகழ்விடத்துக்குச் சென்று செந்தமிழ்செல்வனின் உடலை கைப்பற்றி மாவட்ட அரசு தலைமை மருத்துவமனைக்கு அனுப்பிவைத்தனா். மகேந்திரன் மாவட்ட அரசு தலைமை மருத்துவமனையில் சிகிச்சை பெற்று வருகிறாா்.

இதுகுறித்த புகாரின்பேரில் பெரம்பலூா் போலீஸாா் வழக்குப் பதிந்து, காரை ஓட்டிவந்த வேப்பந்தட்டை வட்டம், பாதங்கி கிராமத்தைச் சோ்ந்த வெங்கடேசன் மகன் பசுபதியை (20) கைது செய்து விசாரிக்கின்றனா்.