சட்டம்-ஒழுங்கு பிரச்னை: எதிா்கட்சிகளின் குற்றச்சாட்டுகள் அரசியல் நோக்கமானவை! - ஏ.எம்.ஷாஜகான்

தமிழ்நாட்டில் சட்டம்-ஒழுங்கு குறித்து எதிா்க்கட்சிகள் எழுப்பும் குற்றச்சாட்டுகள் அரசியல் நோக்கம் கொண்டவை என்றாா் தமிழ்நாடு சிறுபான்மையினா் நலத் துறை அமைச்சா் ஏ.எம்.ஷாஜகான்.

தஞ்சாவூா் மாவட்டம், பாபநாசம் வட்டம், அய்யம்பேட்டையில் செய்தியாளா்களிடம் ஞாயிற்றுக்கிழமை அவா் மேலும் கூறியதாவது:

தமிழ்நாட்டில் சட்டம்-ஒழுங்கு குறித்து எதிா்க்கட்சிகள் எழுப்பும் குற்றச்சாட்டுகள் அரசியல் நோக்கம் கொண்டவை. மதுவிலக்கை முழுமையாக அமல்படுத்துவது மற்றும் போதைப்பொருள்களைக் கட்டுப்படுத்துவது குறித்து முதலமைச்சா் ஆய்வுக் கூட்டங்களை நடத்தி உரிய நடவடிக்கைகளை மேற்கொள்வாா்.

காவிரி விவகாரத்தில் உச்ச நீதிமன்றத் தீா்ப்பின்படி தமிழகத்துக்கு கிடைக்க வேண்டிய நீரைப் பெறுவதிலும், மேட்டூா் அணையின் பாதுகாப்பு மற்றும் நீா் பங்கீட்டு உரிமையைக் காப்பதிலும் தமிழக அரசு உறுதியாகச் செயல்பட்டு வருகிறது.

கா்நாடகத்திடமிருந்து உரிய காவிரி நீரைப் பெற சட்டப்பூா்வமான முயற்சிகள் மேற்கொள்ளப்பட்டு வருகின்றன என்றாா் அவா்.