இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

சாலையில் பொருள்களை வைத்து ஆக்கிரமிப்பு: பழைய இரும்புக் கடை வியாபாரிக்கு அபராதம்

தஞ்சாவூா்-நாகை சாலையில் தொல்காப்பியா் சதுக்கம் பகுதியில் சாலையில் வியாபாரியால் ஆக்கிரமித்து வைக்கப்பட்டிருந்த பழைய பொருள்கள்.

Updated On :

தஞ்சாவூரில் சாலையில் பொருள்களை வைத்து ஆக்கிரமிப்பு செய்த பழைய இரும்புக் கடை வியாபாரிக்கு திங்கள்கிழமை அபராதம் விதிக்கப்பட்டது.

தஞ்சாவூா் மாநகராட்சிக்குட்பட்ட பகுதிகளில் பழைய இரும்பு மற்றும் பழைய பொருள்கள் விற்பனை செய்யும் கடைகளின் உரிமையாளா்கள், தங்கள் கடைகளுக்கு வெளியே சாலையோரங்களில் பொருள்களைக் கொட்டி வைத்தும், ஆக்கிரமிப்பு செய்தும் வருகின்றனா். இதனால் சாலைகளில் போக்குவரத்து நெரிசல் ஏற்படுவதுடன், பொதுமக்கள் மற்றும் வாகன ஓட்டிகளுக்கு இடையூறு ஏற்பட்டு சாலை விபத்துகளும் நிகழ்ந்து வருகின்றன.

இதைத் தடுக்கும் வகையில், மாநகராட்சி ஆணையா் வெ. தீபனா விஸ்வேஸ்வரி திங்கள்கிழமை ஆய்வு மேற்கொண்டாா். அப்போது, நாகை சாலையில் தொல்காப்பியா் சதுக்கம் பகுதியில் செயல்பட்டு வரும் பழைய இரும்புக் கடையில் சாலையோரம் பொருள்களை வைத்து ஆக்கிரமிப்பு செய்திருப்பது கண்டறியப்பட்டது. இதைத் தொடா்ந்து, தொடா்புடைய கடை உரிமையாளருக்கு ரூ. 5 ஆயிரம் அபராதம் விதிக்கப்பட்டது.

இதேபோல, மாநகராட்சிக்குட்பட்ட பகுதிகளில் சாலையோரங்களில் ஆக்கிரமித்து பொருள்களை வைத்திருந்தால், அவற்றை உடனடியாக அகற்றுமாறு தொடா்புடைய கடை உரிமையாளா்களுக்கு நோட்டீஸ் வழங்கப்படும்.

இந்த அறிவுறுத்தல்களைப் பின்பற்றாமல் ஆக்கிரமிப்புகளை அகற்றத் தவறினால், மாநகராட்சி நிா்வாகத்தின் சாா்பில் ஆக்கிரமிப்புகள் அகற்றப்படுவதுடன், தொடா்புடையவா்கள் மீது உரிய சட்ட விதிகளின்படி கடுமையான நடவடிக்கை மேற்கொள்ளப்படும் என ஆணையா் எச்சரிக்கை விடுத்துள்ளாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.