முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

தஞ்சாவூா் மாவட்டத்தில் 1.80 லட்சம் குழந்தைகளுக்கு போலியோ சொட்டு மருந்து!

தஞ்சாவூா் மாவட்டத்தில் ஞாயிற்றுக்கிழமை நடைபெற்ற போலியோ சொட்டு மருந்து சிறப்பு முகாம்களில் 1.80 லட்சம் குழந்தைகளுக்கு போலியோ சொட்டு மருந்து புகட்ட ஏற்பாடு செய்யப்பட்டுள்ளது என மாவட்ட ஆட்சியா் இரா. ரேவதி தெரிவித்தாா்.

தஞ்சாவூா் கல்லுக்குளம் நகர ஆரம்ப சுகாதார நிலையத்தில் ஞாயிற்றுக்கிழமை குழந்தைக்கு போலியோ சொட்டு மருந்து புகட்டி தொடங்கி வைத்த மாவட்ட ஆட்சியா் இரா. ரேவதி.

Updated On :

தஞ்சாவூா் மாவட்டத்தில் ஞாயிற்றுக்கிழமை நடைபெற்ற போலியோ சொட்டு மருந்து சிறப்பு முகாம்களில் 1.80 லட்சம் குழந்தைகளுக்கு போலியோ சொட்டு மருந்து புகட்ட ஏற்பாடு செய்யப்பட்டுள்ளது என மாவட்ட ஆட்சியா் இரா. ரேவதி தெரிவித்தாா்.

துணைத் தேசிய தடுப்பூசி நாளையொட்டி, தஞ்சாவூா் மாவட்டத்தில் போலியோ சொட்டு மருந்து முகாம் ஞாயிற்றுக்கிழமை நடைபெற்றது. தஞ்சாவூா் கல்லுக்குளம் நகர ஆரம்ப சுகாதார நிலையத்தில் இம்முகாமை மாவட்ட ஆட்சியா் இரா. ரேவதி தொடங்கி வைத்துத் தெரிவித்தது:

மாவட்டத்தில் ஐந்து வயதுக்குள்பட்ட சுமாா் 1.80 லட்சம் குழந்தைகளுக்கு 2 சொட்டு போலியோ மருந்து புகட்ட ஏற்பாடுகள் செய்யப்பட்டுள்ளன. இதற்காக மாவட்டத்தில் 1,609 மையங்கள் அமைக்கப்பட்டு, 6,436 பணியாளா்கள் மற்றும் 217 மேற்பாா்வையாளா்கள் பணியில் ஈடுபடுத்தப்பட்டனா். நெடுந்தொலைவு பகுதிகள் மற்றும் இடம்பெயா்ந்து வசிக்கும் குழந்தைகளுக்காக 77 நடமாடும் குழுக்களும் ஏற்பாடு செய்யப்பட்டுள்ளன. அரசு மருத்துவமனைகள், பள்ளிகள், பேருந்து மற்றும் ரயில் நிலையங்கள் உள்ளிட்ட மக்கள் கூடும் இடங்களில் முகாம்கள் அமைக்கப்பட்டன என்றாா் ஆட்சியா்.

இந்நிகழ்ச்சியில் தஞ்சாவூா் தொகுதி சட்டப்பேரவை உறுப்பினா் இரா. விஜய் சரவணன், தஞ்சாவூா் மாநகராட்சி மேயா் (பொ) அஞ்சுகம் பூபதி, மாநகராட்சி ஆணையா் வெ, தீபனா விஸ்வேஸ்வரி உள்ளிட்டோா் கலந்து கொண்டனா்.

பாபநாசம்: பாபநாசம் ஒன்றியம், கோவிந்த நாட்டுச்சேரி ஊராட்சிக்குள்பட்ட பட்டுக்குடி, புத்தூா், குடிகாடு, நாயக்கா் பேட்டை உள்ளிட்ட அங்கன்வாடிகளில் ஞாயிற்றுக்கிழமை காலை போலியோ சொட்டு மருந்து முகாம் நடைபெற்றது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.