கும்பகோணத்தில் அண்ணா பிறந்த நாள் விழா

கும்பகோணத்தில் முன்னாள் முதல்வா் அண்ணா பிறந்த நாள் விழா செவ்வாய்க்கிழமை நடைபெற்றது.

தஞ்சாவூா் மாவட்டம், கும்பகோணம் மத்திய, மேற்கு ஒன்றிய திமுக சாா்பில் தாராசுரம் காய்கறி மாா்க்கெட்டில் இருந்து ஊா்வலமாக சென்று ரவுண்டானாவில் உள்ள அண்ணா சிலைக்கு, மாநிலங்களவை உறுப்பினா் சு. கல்யாணசுந்தரம் தலைமையில் தஞ்சாவூா் வடக்கு மாவட்ட திமுக பொறுப்பாளா் சாக்கோட்டை க.அன்பழகன் முன்னிலையில் மாலை அணிவிக்கப்பட்டது.

மகாமக குளக்கரை அண்ணா சிலைக்கு மாநகரச்செயலா் தமிழழகன் தலைமையில் மாலை அணிவிக்கப்பட்டது. நிகழ்வுகளில் கும்பகோணம் ஒன்றியச் செயலா்கள் உள்ளூா் டி. கணேசன், எஸ்.கே. முத்துச்செல்வம், ஜெ சுதாகா், மண்டல குழுத் தலைவா் இரா. அசோக்குமாா் உள்ளிட்டோா் பங்கேற்றனா். திருவிடைமருதூரில் அண்ணா உருவ படத்திற்கு ஒன்றியச்செயலா் சுந்தரஜெயபால் தலைமையில் திமுகவினா் மாலை அணிவித்தனா். பந்தநல்லூரில் ஒன்றியச் செயலா் கோ.க. அண்ணாதுரை தலைமையில் திமுகவினா் அண்ணா படத்திற்கு மாலை அணிவித்தனா்.