திருச்சியில் இயல்பு நிலை திரும்பியது

திருச்சியில் புதன்கிழமை இரவு  இயல்பு நிலை படிப்படியாக திரும்பியது. 
திமுக தலைவர் மு. கருணாநிதி செவ்வாய்க்கிழமை மாலை மறைந்ததையடுத்து,  அடுத்த சில மணிநேரங்களில் திருச்சி மாநகர் முழுவதும் கடைகள் அடைக்கப்பட்டன. பேருந்துகள் நிறுத்தப்பட்டன.
இந்நிலையில் சென்னையில் மெரீனா கடற்கரையில் புதன்கிழமை மாலை கருணாநிதியின் உடல் நல்லடக்கம் செய்யப்பட்டதைத் தொடர்ந்து, திருச்சி மாவட்டத்தில்  இயல்பு நிலை திரும்பத் தொடங்கியது. திருச்சி மாநகர், தஞ்சாவூர், புதுகை உள்ளிட்ட குறுகிய தொலைவு கொண்ட ஊர்களுக்கு குறைந்த அளவில் தனியார் பேருந்துகள் மட்டும் இயக்கப்பட்டன. மேலும் தேனீர் கடைகள், சாலையோர உணவகங்கள், மத்திய பேருந்து நிலையப் பகுதியில் சில உணவகங்கள் திறக்கப்பட்டன. ஏடிஎம்கள் மற்றும் மருந்துக் கடைகளும்  திறக்கப்பட்டன. இருசக்கர வாகனங்கள், இலகு ரக வாகனங்கள் புழக்கம் காணப்பட்டது.