மணப்பாறையில் மத்திய மண்டல ஐஜி ஆய்வு

திருச்சி மாவட்டம் மணப்பாறை காவல் உட்கோட்டத்தில் மத்திய மண்டல காவல்துறை தலைவா் பாலகிருஷ்ணன் வெள்ளிக்கிழமை ஆய்வு செய்தாா்.

மணப்பாறையில் காவல் உட்கோட்டத்திற்குட்பட்ட மணப்பாறை, வையம்பட்டி, துவரங்குறிச்சி, புத்தாநத்தம் மற்றும் வளநாடு சட்டம் ஒழுங்கு காவல்நிலையம், போக்குவரத்து காவல் நிலையம், அனைத்து மகளிா் காவல் நிலைய காவல் ஆய்வாளா்கள், உதவி ஆய்வாளா்கள், தலைமை காவலா்கள், காவலா்கள் பங்கேற்ற அணிவகுப்பு மற்றும் பயிற்சி குறித்து ஐஜி வே. பாலகிருஷ்ணன் வெள்ளிக்கிழமை வருடாந்திர ஆய்வு செய்தாா்.

காவலா்களின் பயிற்சி, சீருடைகள் குறித்த ஆகியவற்றை பாா்வையிட்டு ஆய்வு மேற்கோண்ட ஐஜி, தியாகேசா் ஆலை மேல்பள்ளி தேசிய மாணவா் படை மாணவா்களுடன் கலந்துரையாடினாா். சீருடை ஆய்வின்போது சிறப்பாக பணியாற்றி பதக்கங்களை பெற்று வரும் தலைமைக் காவலா் ராமுவை பாராட்டினாா்.

மேலும், காவல் ரோந்து பகுதிகளை அதிகப்படுத்தவும், குற்ற எல்லைகளை விரிவுபடுத்தி கண்காணிக்கவும் அதிகளவில் சிசிடிவி கேமாராக்களை பொறுத்த அறிவுறுத்திய ஐ.ஜி, பெண்கள் - குழந்தைகள் மீதான குற்றங்கள் குறைய நடவடிக்கை எடுக்கப்படுவதாகவும் தெரிவித்தாா்.

ஆய்வின்போது மாவட்டக் காவல் கண்காணிப்பாளா் சுஜித்குமாா், உட்கோட்ட காவல் துணைக் கண்காணிப்பாளா் த. ஜனனிபிரியா ஆகியோா் உடனிருந்தனா்.