‘சமூகத்தை, உலகை ஒருங்கிணைக்கும் விசை பெண்களே’

 சமூகத்தையும் உலகையும் ஒருங்கிணைக்கும் விசையாக இருப்பவா்கள் பெண்களே என்றாா் திருச்சி ஐஐஎம் இயக்குநா் பவன்குமாா் சிங்.

திருச்சி ஐஐஎம் சாா்பில் பெண்களின் தலைமையில் சமமான எதிா்காலத்தை அடைதல் என்னும் தலைப்பில் இணையவழி மகளிா் தின விழா திங்கள்கிழமை கொண்டாடப்பட்டது.

விழாவுக்குத் தலைமை வகித்து ஐஐஎம் திருச்சி இயக்குநா் பவன்குமாா் சிங் பேசியது:

பெண்களின் நலனுக்காக அனைவரும் ஒன்றிணைந்து செயல்படுவது அவசியம். கரோனா காலத்தில் பெண்களின் தலைமையிலான செயல்பாடு பாராட்டுக்குரியது. வலிமையின் இறுதி ஆதாரமாகவும், ஆதிசக்தியாகவும் பெண்கள் உள்ளனா். அவா்களை மதித்து போற்றுதல் அடிப்படையாக உள்ளது. ஒரு மைய சக்தியின் பிரதிநிதியாக இருந்து சமூகத்தையும், உலகையும் பெண்கள் ஒருங்கிணைக்கின்றனா். ஆணாதிக்க நடைமுறை ஒழிக்கப்பட வேண்டும்.

சமுதாயத்தின் தவறான அணுகுமுறையை உணா்வுப்பூா்வமாக சரிசெய்ய வேண்டும். பெண்களுக்கு தங்கள் சொந்த பாதையைத் தோ்ந்தெடுப்பதற்கான சுதந்திரம் உள்ளது என்றாா் அவா்.

லஜ்ஜா டைரிஸ் நிறுவனா் அனுஷ்கா ஆத்யா பேசுகையில், பொது இடங்களில் பெண்கள் எதிா்கொள்ளும் இன்னல்கள் ஏராளம். அநீதிக்கு எதிராக அவா்கள் பேச வேண்டும். பெண்களாக நாம் பயன்படுத்தும் சக்தியை உணா்ந்து சமத்துவத்திற்காகப் போராடவேண்டும் என்றாா்.

ஜிம்மி மெக்கலிகன் அறக்கட்டளை நிறுவனா் ஜனக் பால்தா மெக்கிலிகன் பேசுகையில் பெண்களை மதிக்கும் விதத்தில் ஆண்களை வளா்க்க அவா்களுக்குக் கல்வி கற்பிக்க வேண்டும் என்றாா். இதையடுத்து, 16 வயது இளம் தொழில்முனைவோரும், மாணவியுமான பிராா்த்தனா பத்ரா உள்ளிட்டோா் பேசினா். ஐஐஎம் மாணவா் விவகாரக் குழுத் தலைவா் சரவணன் வரவேற்றாா். இணைப் பேராசிரியா் விஜயா நன்றி தெரிவித்தாா்.