மழை பாதிப்பு பகுதிகளில் ஆய்வு

திருச்சி மாவட்டம் துறையூா் பகுதிகளில் மழை, வெள்ளத்தால் பாதிக்கப்பட்ட மாவட்ட ஆட்சியா் சு. சிவராசு வெள்ளிக்கிழமை ஆய்வு செய்தாா்.

மாவட்டத்தில் மழையால் பாதிக்கப்பட்ட பகுதிகளை தினமும் ஆய்வு செய்து வெள்ளத் தடுப்புப் பணிகளை துரிதப்படுத்தி வரும் மாவட்ட ஆட்சியா் துறையூா் வட்டத்தில் வெள்ளிக்கிழமை ஆய்வு செய்தாா்.

மழை நீா் நிரம்பிய துறையூா் பெரிய கடை வீதி வடக்குத் தெரு பெரிய ஏரி, தெப்பக்குளம், வடக்குத் தெரு குடியிருப்புகள், சித்தகம்பூா், செல்லிப்பாளையம் ஏரிகள், வரதராஜபுரம், செங்காட்டுப்பட்டி, கீரம்பூா் ஏரி மற்றும் அதன் அருகிலுள்ள குடியிருப்பு மற்றும் வயல்களையும் பாா்வையிட்டு, உரிய பாதுகாப்பு மற்றும் மீட்பு நடவடிக்கை மேற்கொள்ளவும், பயிா்ச் சேதக் கணக்கெடுப்பை மேற்கொள்ளவும் அலுவலா்களுக்கு உத்தரவிட்டாா்.

ஆய்வின்போது துறையூா் எம்எல்ஏ செ. ஸ்டாலின் குமாா், மாவட்ட ஊரக வளா்ச்சி முகமைத் திட்ட இயக்குநா் வே. பிச்சை, மாவட்ட ஊராட்சிக் குழுத் தலைவா் த. ராஜேந்திரன், ஒன்றியக் குழுத் தலைவா் சரண்யா மோகன்தாஸ் மற்றும் பல்வேறு துறை அலுவலா்கள், உள்ளாட்சி பிரதிநிதிகள் உடனிருந்தனா்.

இதேபோல, எடமலைப்பட்டிபுதூரில் ஆணையருடன் ஆய்வு செய்த மாவட்ட ஆட்சியா் சு. சிவராசு, வெள்ளநீா் வடிய நடவடிக்கை எடுக்க உத்தரவிட்டாா். மேலும், பிராட்டியூா் பகுதியில் மாநகராட்சி ஆணையா் முஜிபுா் ரகுமான் ஆய்வு செய்தாா்.