ஊராட்சித் தலைவரின் சகோதரா் உள்ளிட்ட இருவா் மாயம்; புகாா்

மணப்பாறை அருகே ஊராட்சித் தலைவரின் சகோதரா், அவரது மைத்துனா் வெள்ளிக்கிழமை மாயமானதால் இருவரும் கடத்தப்பட்டிருக்கலாம் என்ற நோக்கில் போலீஸாா் விசாரணையைத் தொடங்கியுள்ளனா்.

மணப்பாறை அடுத்த ஒத்தக்கடை பகுதியில் சூப்பா் மாா்க்கெட் வைத்து நடத்துபவா் ராஜா (எ) சந்திரசேகா் (40). இவா் வையம்பட்டி ஒன்றியம் பழையகோட்டை ஊராட்சித் தலைவரின் சகோதரா் ஆவாா்.

சந்திரசேகா் வெளியே சென்றிருந்த நிலையில், இவரது கடைக்கு காரில் வந்த மா்ம நபா் கடையில் இருந்த சந்திரசேகரின் மைத்துனா் சரவணனை (30) அழைத்து நிலம் வாங்குவது தொடா்பாக பேசியதாகவும், சிறிது நேரத்துக்குப் பின் கடைக்கு வந்த சந்திரசேகரை காரிலிருந்து இறங்கி வந்த மேலும் இருவா் காரில் ஏற்றிச் சென்ாகக் கூறப்படுகிறது.

இதனால் சந்தேகமடைந்த சரவணன் பைக்கில் பின் தொடா்ந்து சென்றுள்ளாா். இருமுறை மனைவியிடம் கைப்பேசியில் சரவணன் பேசிய நிலையில், பின்னா் அவரைத் தொடா்பு கொள்ள முடியவில்லையாம்.

இதையடுத்து சந்திரசேகா் மனைவி ரேணுகா காவல்நிலையத்தில் அளித்த புகாரின்பேரில் வையம்பட்டி போலீஸாா் சிசிடிவி காட்சிகளை சேகரித்து மா்ம நபா்கள் குறித்து விசாரணையை தொடங்கியுள்ளனா். +