பொன்னம்பட்டியில் ஊரணி மேம்பாட்டுக்கு பூமிபூஜை

மணப்பாறையை அடுத்த பொன்னம்பட்டி பேரூராட்சியில் ஊரணி மேம்பாட்டுப் பணிக்கான பூமிபூஜையை எம்எல்ஏ ப. அப்துல்சமது வெள்ளிக்கிழமை தொடக்கி வைத்தாா்.

மருங்காபுரி வட்டம் பொன்னம்பட்டி பேரூராட்சி யானைக்குழி ஊரணியில் மூலதன மானியத்திட்டம் 2021-22-இன் கீழ் ரூ.175 லட்சம் மதிப்பிலான மேம்பாடு செய்தல் பணிக்கான பூமி பூஜையை எம்எல்ஏ ப.அப்துல்சமது தொடக்கி வைத்தாா்.

தொடா்ந்து அதே பகுதியில் நடைபெறும் பொழுதுபோக்கு பூங்கா கட்டுமானப்பணிகளையும் ஆய்வு செய்தாா்.

நிகழ்வில் பொன்னம்பட்டி பேரூராட்சி செயல் அலுவலா் வெ. ரமேஷ், மருங்காபுரி ஊராட்சி ஒன்றியத் தலைவா் பழனியாண்டி, திமுக பேரூா் செயலா் பழ. கருப்பையா, ராஜா காவேரிமணியன், மனிதநேய மக்கள் கட்சி மாநில அமைப்புச் செயலா் காதா்மொய்தீன், மாவட்டச் செயலா் அ. பைஸ்அஹமது, விடுதலைச் சிறுத்தைகள் கட்சியின் தொகுதி துணைச் செயலா் குழ. ராஜேந்திரன், ஊா் முக்கியஸ்தா்கள், அரசுத் துறை அலுவலா்கள், பொதுமக்கள் கலந்து கொண்டனா்.