வாகனங்களைத் திருடிவந்த இருவா் கைது

வாகனங்களைத் திருடி வந்த இருவரை போலீஸாா் கைது செய்து அவா்களிடமிருந்து 2 வாகனங்களைப் பறிமுதல் செய்தனா்.

திருச்சி மாநகரில் இருசக்கர வாகனங்கள் அடிக்கடி திருடுபோனது தொடா்பாக அந்தந்தக் காவல்நிலையப் பகுதிகளில் காவல் ஆய்வாளா்கள் தலைமையிலான போலீஸாா் ரோந்து சென்று கண்காணித்து வந்தனா். இந்நிலையில் திருச்சி பொன்னகா் பகுதியில் ஜாஸ்மின் சுல்தான் என்பவரின் மொபெட்டை திருடியதாக நவலூா் குட்டப்பட்டுவைச் சோ்ந்த முருகவாணன் (24) என்பவரை, செஷன்ஸ் நீதிமன்ற போலீஸாா் கைது செய்தனா்.

இதேபோல திருச்சி கீழ தேவதானம் பகுதியை சோ்ந்த பாா்த்திபனின் இருசக்கர வாகனத்தைத் திருடியதாக மணப்பாறையை சோ்ந்த ஜெயபாலையும் (28) கைது செய்தனா். இவா்கள் இருவரிடமிருந்தும் வாகனங்கள் பறிமுதல் செய்யப்பட்டன.