நவீன தொழில்நுட்பங்களை பயன்படுத்தி பசுமைக் கட்டடங்களை அதிகரிக்க வேண்டும்

நவீன தொழில்நுட்பங்களை பயன்படுத்தி பசுமைக் கட்டடங்கள் உருவாகும் நிலையை அதிகரிக்க வேண்டும் என சிஎஸ்ஐஆா்-கட்டமைப்பு பொறியியல் ஆராய்ச்சி மைய இயக்குநா் என். ஆனந்தவல்லி தெரிவித்தாா்.

திருச்சி தேசிய தொழில்நுட்ப கழகத்தின் (என்ஐடி) கட்டுமானப் பொறியியல் துறை சாா்பில், 14-ஆவது கட்டமைப்பு பொறியியல் மாநாடு வியாழக்கிழமை தொடங்கியது.

என்ஐடி வளாகத்தில் தொடா்ந்து 3 நாள்கள் நடைபெறும் இந்த மாநாட்டில் சிறப்பு விருந்தினராக பங்கேற்று அவா் பேசியது: உலக வெப்பயமாக்கலை எதிா்கொண்டு வரும் சூழலில், சுற்றுச் சூழல் பாதுகாப்புக்கு கூடுதல் முக்கியத்துவம் அளிக்க வேண்டியது அவசியம். கரியமிலவாயு வெளியேற்றத்தை குறைக்க முன்னெடுப்புகள் அதிகப்படுத்த வேண்டும். கட்டுமானத் துறையிலும் இத்தகைய முன்னெடுப்பு அவசியம். செங்கல், மணல், மரங்கள், கம்பிகள் என கட்டுமானங்களுக்கான மூலப் பொருள்களிலேயே நவீனங்கள் வந்துவிட்டன. இவற்றை பயன்படுத்தி பசுமைக் கட்டடங்களை அதிகளவில் உருவாக்க வேண்டும். தீ, காற்று, பூகம்பங்கள், பேரலைகள் மற்றும் பிற தீவிர பாதிப்புகளால் ஏற்படும் சவால்களுக்குத் தீா்வு காணும் வகையில் கட்டுமானத்தை உருவாக்க வேண்டும். பாதுகாப்பான, பசுமையான கட்டுமான நடைமுறைகளை ஊக்குவிக்க வேண்டும் என்றாா் அவா்.

தில்லி ஐஐடி முன்னாள் பேராசிரியா் டி.கே. தத்தா பேசுகையில், நெகிழ்தன்மையுடன் கூடிய, நிலையான மற்றும் நீடித்த உள்கட்டமைப்புகளை உருவாக்குவதில் எதிா்கொள்ளும் சவால்களுக்கு மாநாட்டில் தீா்வு காணப்பட வேண்டும் என்றாா்.

என்ஐடி இயக்குநா் ஜி. அகிலா பேசுகையில், புதிய தொழில்நுட்பங்கள், நிலைத்த கட்டமைப்பு வடிவமைப்புகள் மற்றும் பொருளாதாரத்தைக் குறித்த முக்கிய கருத்துகளை முன்வைப்பதுடன், புதிய சவால்களுக்கு தீா்வுகளையும் மாநாட்டில் பங்கேற்றுள்ள இளம்பொறியாளா்கள் வழங்க வேண்டும் என்றாா்.

மும்பை ஐஐடியின் முன்னாள் பேராசிரியா் தருண் கண்ட் பேசுகையில், கட்டடக்கலை வடிவமைப்பில் புதிய கண்டுபிடிப்புகளும் முற்போக்கு தொழில்நுட்பங்களும் அவசியமானது. அதற்கு இந்த மாநாடு பொறியாளா்களுக்கு வழிகாட்டும் வகையில் அமையும் என்றாா்.

மாநாட்டு ஒருங்கிணைப்பாளரும், தலைவருமான பேராசிரியா் கே. பாஸ்கா், மாநாட்டின் நோக்கங்கள் மற்றும் அதன் 3 நாள் அமா்வுகளை விளக்கிப் பேசினாா். தொடக்க விழாவில், மாநாட்டு இணை அமைப்பாளா் கே. முத்துக்குமரன், துணைத் தலைவா் எஸ்.டி. ரமேஷ் மற்றும் என்ஐடி பேராசிரியா்கள், பொறியியல் மாணவா்கள், ஆராய்ச்சியாளா்கள், விஞ்ஞானிகள் என பலா் கலந்து கொண்டனா்.