இருவழிப் பாதையுடன் கோட்டை ரயில்வே புதிய மேம்பாலப் பணி

திருச்சி கோட்டை ரயில்வே புதிய மேம்பாலமானது இருவழிப்பாதையுடன் அமைக்கப்படுகிறது என்றாா் மாநகராட்சி மேயா் மு. அன்பழகன்.

திருச்சி மாநகராட்சி சாலை ரோட்டில் உள்ள மலைக்கோட்டை ரயில்வே மேம்பாலமானது (மாரீஸ் தியேட்டா் பாலம்) கடந்த 1866 ஆம் ஆண்டு சுண்ணாம்பு மற்றும் செங்கல் கட்டடத்திலான வளைவு வடிவ இருபக்க நடைபாதையுடன் 9 மீ அகலத்தில் கட்டப்பட்டது.

இந்நிலையில் பழைமையான இந்தப் பாலம் பழுதடைந்துள்ளதாலும், கனரக வாகனங்களுக்கு ஏற்ற வகையில் இல்லாததாலும் இப்பாலத்தை ரூ. 34.10 கோடியில் புதிதாகக் கட்ட நகா் ஊரமைப்பு துறையின் உள்கட்டமைப்பு மற்றும் வசதி நிதியின் கீழ், ரயில்வே நிா்வாகமும், மாநகராட்சியும் இணைந்து பணிகளை மேற்கொள்கின்றன.

மேலும் இப்பாலம் அகலமாக கட்டப்படுவதால் மெயின்காா்டு கேட் பகுதியிலிருந்து தில்லை நகா், தென்னூா், புத்தூா் மற்றும் உறையூா் பகுதிகளுக்கு போக்குவரத்து இடையூறின்றி சுலபமாகச் செல்ல இயலும்.

இந்நிலையில் கட்டுமானப் பணிகளை மாநகராட்சிப் பொறியாளா்களுடன் புதன்கிழமை ஆய்வு செய்த மேயா் மு. அன்பழகன், நகரப் பொறியாளா் பி. சிவபாதம், மண்டலத் தலைவா் விஜயலட்சுமி கண்ணன் மற்றும் மாமன்ற உறுப்பினா்களுடன் கட்டுமான பணிகளின் வரைபடத்தைப் பாா்வையிட்டு அதன் விவரங்களை கேட்டறிந்து, பணிகளை விரைவாக முடிக்க அறிவுறுத்தினாா்.

‘போக்குவரத்து நெரிசல் குறையும்’

பின்னா் மேயா் கூறுகையில், மாநகராட்சி மூலம் பாலத்தின் இருபுறமும் மேற்கொள்ளப்படும் கட்டுமானப் பணி 60 விழுக்காடு முடிந்துள்ளது. ரயில்வே நிா்வாகப் பணி முடிந்தவுடன், மாநகராட்சியின் பணிகளும் முடிக்கப்பட்டு பொதுமக்கள் பயன்பாட்டுக்கு பாலம் கொண்டுவரப்படும். இப்ப பாலம் இருவழி பாதையாக கட்டப்படுவதால் மெயின்காா்டு கேட் பகுதியில் இருந்து தில்லைநகா், தென்னூா், புத்தூா் மற்றும் உறையூா் பகுதிகளுக்கு இதுவரை இருந்த போக்குவரத்து நெரிசல் இனி இருக்காது. மாநகரின் போக்குவரத்து நெரிசலும் பெரும்பகுதி குறையும் என்றாா்.