கிரேன் மீது பைக் மோதி இளைஞா் உயிரிழப்பு

மண்ணச்சநல்லூா்: திருச்சி மாவட்டம், மண்ணச்சநல்லூா் வட்டம், பூனாம்பாளையம் பகுதியில் திங்கள்கிழமை இரவு கிரேன் மோதி பைக் மோதி இளைஞா் உயிரிழந்தாா்.

காளவாய்ப்பட்டி பகுதியைச் சோ்ந்தவா் சீ. வீரமணி (22) , சமையல் வேலை செய்து வருகிறாா். இவா் திங்கள்கிழமை இரவு இரு சக்கர வாகனத்தில் மண்ணச்சநல்லூரில் இருந்து காளவாய்பட்டிக்குச் சென்றுகொண்டிருந்தபோது, பூனாம்பாளையம் பகுதியில் முன்னால் சென்ற பேருந்தை முந்த முயன்றபோது எதிரே வந்த கிரேன் மீது மோதி பலத்த காயமடைந்தாா். இதையடுத்து, திருச்சி மகாத்மா காந்தி நினைவு அரசு பொது மருத்துவமனையில் அனுமதிக்கப்பட்டு, சிகிச்சை பலனின்றி உயிரிழந்தாா். விபத்து குறித்து மண்ணச்சநல்லூா் காவல் துறையினா் விசாரணை மேற்கொண்டு வருகின்றனா்.