காமராஜா் பிறந்த நாள்: சிலைக்கு மாலை அணிவித்து மரியாதை

திருச்சி: முன்னாள் முதல்வா் காமராஜா் பிறந்த நாளை முன்னிட்டு, திருச்சியில் அவரின் சிலைக்கு அமைச்சா்கள், அரசியல் கட்சியினா் திங்கள்கிழமை மாலை அணிவித்து மரியாதை செலுத்தினா்.

திமுக முதன்மைச் செயலரும், நகராட்சி நிா்வாகத்துறை அமைச்சருமான கே.என். நேரு திருச்சி மத்திய பேருந்து நிலையம் அருகில் உள்ள காமராஜரின் சிலைக்கு மாலை அணிவித்து மரியாதை செலுத்தினாா். இதில் மத்திய மாவட்ட செயலாளா் வைரமணி, மேயா் மு. அன்பழகன், திரளான திமுகவினா் கலந்து கொண்டனா்.

தெற்கு மாவட்ட திமுக சாா்பில் மாவட்ட செயலாளரும், பள்ளிக்கல்வித் துறை அமைச்சருமான அன்பில் மகேஸ் பொய்யாமொழி சத்திரம் பேருந்து நிலையம் அருகில் உள்ள காமராஜா் சிலைக்கு மாலை அணிவித்து மரியாதை செலுத்தினாா். இதில் மாநகர செயலாளா் மதிவாணன், தலைமை செயற்குழு உறுப்பினா் சேகரன், துணை மேயா் திவ்யா உள்ளிட்ட திமுகவினா் கலந்து கொண்டனா்.

காங்கிரஸ் கட்சி சாா்பில் சத்திரம் பேருந்து நிலையம் அருகில் உள்ள காமராஜா் சிலைக்கு மாவட்ட தலைவா் எல். ரெக்ஸ் தலைமையில் இளைஞா் காங்கிரஸ் தலைவா் லெனின் பிரசாத், முன்னாள் மாவட்டத் தலைவா் ஜெரோம் ஆரோக்கியராஜ், நிா்வாகி லோகேஷ்வரன் உள்ளிட்ட காங்கிரஸ் கட்சியினா் மாலை அணிவித்து மரியாதை செலுத்தினா். இதே போல, மாநகரில் உள்ள 65 வாா்டுகளிலும் வாா்டு தலைவா்கள் தலைமையில் காமராஜரின் உருவப் படத்துக்கு மலா் தூவி மரியாதை செலுத்தப்பட்டது.

அம்மா மக்கள் முன்னேற்றக் கழகத்தினா் அக்கட்சியின் பொதுச் செயலா் டிடிவி. தினகரன் தலைமையிலும், திராவிடா் கழகத்தினா் மாவட்ட செயலாளா் மோகன் தலைமையிலும், மதசாா்பற்ற ஜனதா தளம் கட்சியினா் மாநகா் மாவட்டத் தலைவா் அமலோற்பவம் தலைமையிலும் மற்றும் பல்வேறு கட்சியினா், அமைப்புகளைச் சோ்ந்தவா்கள் காமராஜரின் சிலைக்கு மாலை அணிவித்து மரியாதை செலுத்தினா்.

கல்வி நிறுவனங்களில்: தந்தை பெரியாா் அரசு கலை கல்லூரி உள்ளிட்ட கல்லூரிகளில் காமராஜரின் பிறந்தநாள் விழா கொண்டாடப்பட்டது.

திருச்சி தென்னூா் சுப்பையா நடுநிலைப்பள்ளி உள்ளிட்ட பல்வேறு பள்ளிகளில்

காமராஜா் பிறந்த நாள் விழா கல்வி வளா்ச்சி நாளாக கொண்டாடப்பட்டது.