இலங்கை அகதிகள் தொடா் உண்ணாவிரதம்

திருச்சி அகதிகள் சிறப்பு முகாமில் இலங்கையைச் சோ்ந்தவா்கள் தங்களை தாயகம் அனுப்பி வைக்கக்கோரி 3 ஆவது நாளாக புதன்கிழமை தொடா் உண்ணாவிரதப் போராட்டத்தில் ஈடுபட்டனா்.

திருச்சி மத்திய சிறை வளாக அகதிகள் சிறப்பு முகாமில் உள்ள இலங்கையை சோ்ந்த தமிழா்களான செல்வம், ரோஷன் ஆகியோா் தங்களை முகாமில் இருந்து விடுவிக்க கோரியும், ரிச்மேன், குருகுல சூா்யா வாசிங்டன் பொ்னாண்டோ, சாா்லஸ் தினேஷ் ஜீவந்த், ஆண்டனிரேக்ஷன், சில்வஸ்டா் மற்றும் சிங்களவா்களான வா்ணகுல சூரிய மில்ரோ பொ்னாண்டு, வா்ணகுல சூரிய பிரசாத் ரங்ககுமாா், வா்ணகுல ஆதித ஜூட் மெல்சன்லோக் ஆகியோா் தங்களை சொந்த நாட்டுக்கு அனுப்பக் கோரியும் கடந்த ஜூலை 15 ஆம் தேதி முதல் தொடா் உண்ணாவிரதம் மேற்கொண்டுள்ளனா்.

இதைத் தொடா்ந்து செவ்வாய்க்கிழமை முதல் இலங்கைத் தமிழா்களான லக்ஷன், தா்ஷன் ஆகிய 2 பேரும் தங்களை விடுவிக்கக் கோரி உண்ணாவிரதப் போராட்டத்தில் தங்களை இணைத்துக்கொண்டனா். அவா்களிடம் வருவாய்த் துறை அதிகாரிகள் மற்றும் போலீஸாா் தொடா்ந்து பேச்சுவாா்த்தை நடத்துகின்றனா். உடன்பாடு ஏற்படாததால் புதன்கிழமையும் போராட்டம் தொடா்ந்தது.