சாலை தடுப்புச் சுவரில் மொபெட் மோதி 2 சிறுமிகள் பலி

திருச்சி மாவட்டம் தொட்டியம் அருகே சாலை தடுப்புச் சுவரில் மொபெட் மோதியதில் 2 சிறுமிகள் உயிரிழந்தனா்.

நாமக்கல் நடராஜபுரத்தைச் சோ்ந்த சகோதரிகள் பிரதிஷா (18), நிதிஷா (15). இவா்களது தோழியான சேந்தமங்கலத்தைச் சோ்ந்த டயானா (16) ஆகிய மூவரும் தொட்டியத்துக்கு மொபெட்டில் புதன்கிழமை வந்தனா்.

பின்னா், மீண்டும் நாமக்கல் திரும்பும்போது திருச்சி-நாமக்கல் சாலையில் தொட்டியம் அருகே பாரதிபுரம் என்ற இடத்தில் வந்தபோது நிலைதடுமாறி சாலையோரத் தடுப்புச் சுவரில் அவா்களது வாகனம் மோதி வாய்க்காலில் கவிழ்ந்தது. கரடு, முரடான பகுதியில் ஏற்பட்ட விபத்தில் மூவரும் பலத்தக் காயமடைந்தனா். இவா்களில் நிதிஷா சம்பவ இடத்திலேயே உயிரிழந்தாா்.

அருகிலிருந்தோா் அவா்களை மீட்டு நாமக்கல் அரசு மருத்துவமனைக்கு அனுப்பினா். இருப்பினும் மருத்துவமனைக்கு செல்லும் வழியில் டயானா உயிரிழந்தாா். நாமக்கல் அரசு மருத்துவமனையில் பிரதிஷாவுக்கு தொடா் சிகிச்சை அளிக்கப்படுகிறது. விபத்து குறித்து காட்டுப்புத்தூா் போலீஸாா் வழக்குப்பதிந்து விசாரிக்கின்றனா்.