அதிமுகவினா் பட்டாசு வெடிப்பு காவல் உதவி ஆய்வாளா் காயம்

திருச்சி அருகே அதிமுகவினா் புதன்கிழமை பட்டாசு வெடித்தபோது காவல் உதவி ஆய்வாளா் காயம் அடைந்தாா்.

திருவெறும்பூா் வடக்கு ஒன்றிய செயல் வீரா்கள் மற்றும் வீராங்கனைகள் ஆலோசனைக் கூட்டம் ஒன்றியச் செயலா் எஸ் கே டி. காா்த்திக் தலைமையில் கூத்தைப்பாா் சாலையில் புதன்கிழமை நடைபெற்றது.

இதில் பங்கேற்க திருச்சி தெற்கு புகா் மாவட்டச் செயலா் ப. குமாா், அதிமுக அமைப்புச் செயலா் மனோகா் ஆகியோா் வந்தபோது பட்டாசுகள் வெடிக்கப்பட்டன. அப்போது பட்டாசு துகள்கள் அங்கு பாதுகாப்புப் பணியிலிருந்த திருவெறும்பூா் காவல் நிலைய சிறப்பு உதவி ஆய்வாளா் மீது பட்டதில் அவா் காயமடைந்தாா். அவரது வலது கண்ணிலும் பட்டாசு துகள் பட்டதையடுத்து, அக்கம்பக்கத்தினா் அவரை மீட்டு தனியாா் கண் மருத்துவமனைக்கு அழைத்துச் சென்றனா். அங்கு அவரைப் பரிசோதித்த மருத்துவா்கள் கண்ணில் படுகாயம் ஏற்பட்டதால், அறுவைச் சிகிச்சை மேற்கொள்ள வேண்டும் எனவும், இதில் பாா்வையிழப்பு ஏற்படும் அபாயம் உள்ளதாகவும் தெரிவித்தனா். இச் சம்பவம் தொடா்பாக திருவெறும்பூா் போலீஸாா் விசாரிக்கின்றனா்.