இடைநின்ற 50% மாணவா்கள் உயா்கல்வியில் சோ்க்கை: ஆட்சியா்

திருச்சி மாவட்டத்தில் பள்ளியில் இடைநின்றவா்களில் 50 விழுக்காடு மாணவா்கள், உயா்வுக்குப் படி திட்டத்தால் உயா்கல்வியில் சோ்ந்திருப்பதாக ஆட்சியா் மா. பிரதீப்குமாா் தெரிவித்தாா்.

12ஆம் வகுப்பு தோ்ச்சிப் பெற்று, உயா்கல்வியில் சேராமல் இடைநின்ற மாணவா்களைக் கண்டறிந்து அவா்களை மீண்டும் கல்லூரியில் சோ்க்கும் வகையில் உயா்வுக்குப்படி எனும் சிறப்பு முகாமை தமிழக அரசு நடத்தி வருகிறது. இதன்படி திருச்சி மாவட்டத்தில் இடைநின்ற மாணவா்களுக்கான முகாம் திருச்சி ஜமால் முகமது கல்லூரியில் புதன்கிழமை நடைபெற்றது. இந்த முகாமை தொடங்கி வைத்து ஆட்சியா் மா. பிரதீப்குமாா் பேசியது:

திருச்சி மாவட்டத்தில் 12ஆம் வகுப்பு தோ்ச்சிப் பெற்ற ஒருவா்கூட கல்லூரியில் சேராத நிலை இருத்தல் கூடாது. 100 சதவீதம் அனைவரையும் உயா்கல்வியில் சோ்க்க வேண்டும் என்பதற்காகவே உயா்வுக்குப்படி முகாம் நடத்தப்டுகிறது. வேறு எந்த மாநிலத்திலும் இத்தகையத் திட்டம் இருக்காது. உயா்கல்வி சோ்க்கை விழுக்காட்டில் இந்தியாவிலேயே தமிழகம் முதன்மையான மாநிலமாக உள்ளது. இருப்பினும் 100 சதவீதம் என்ற இலக்கை எட்டுவதற்காகவே உயா்வுக்குப்படி முகாம் நடைபெறுகிறது.

திருச்சி மாநகரப் பகுதியில் மட்டும் 2022-23ஆம் கல்வியாண்டில் 12ஆம் வகுப்பு தோ்ச்சி பெற்ற 86 மாணவா், மாணவிகள் உயா்கல்வியில் சேரவில்லை. 23-24ஆம் ஆண்டில் 43 போ் சேரவில்லை. இதேபோல, மாவட்டம் முழுவதும் 2,855 மாணவா்கள் சேரவில்லை. இந்த மாணவா், மாணவிகள் அனைவரையும் கண்டறிந்து அவா்களை கல்லூரியில் சோ்க்கை பெறச் செய்திட திருச்சி, திருவெறும்பூா், லால்குடி, முசிறி என 4 கோட்டங்கள் வாரியாக முகாம்கள் நடைபெறுகின்றன. இடைநின்ற அனைவரும் உயா்கல்வியில் சேரும் வரை இந்த முகாம் நடைபெறும்.

இதன்படி, 4 கோட்டங்களிலும் ஏற்கெனவே நடைபெற்ற முதல் கட்ட முகாம்கள் மூலமாக 50 விழுக்காடு மாணவா்கள் உயா்கல்வியில் சோ்ந்துள்ளனா் என்றாா் ஆட்சியா்.

முகாமில் வங்கிகள், கல்லூரிகள் தங்களது அரங்குகளை வைத்து மாணவா்களுக்கு வழிகாட்டின. குறிப்பாக மாநகரப் பகுதியில் இடைநின்ற மாணவா், மாணவிகளை உயா்கல்வியில் சோ்க்கும் வகையில் முகாம் இடத்திலேயே கல்லூரியில் பதிவு செய்வதற்கான நடவடிக்கையும் மேற்கொள்ளப்பட்டது.முகாமில், திறன்மேம்பாட்டுத்துறை உதவி இயக்குநா் முத்தழகி,

துணை ஆட்சியா் கேந்திரியா, மாவட்டக் கல்வி அலுவலா் சங்கரநாராயணன் மற்றும் கல்லூரி நிா்வாகத்தினா், பள்ளிக் கல்வித் துறை அலுவலா்கள், ஆசிரியா்கள், மாணவா்கள், பெற்றோா் என பலா் கலந்து கொண்டனா்.