மனைவி பிரிந்து சென்ற விரக்தியில் இளைஞா் ரயில் முன் பாய்ந்து தற்கொலை

திருச்சியில் மனைவி பிரிந்து சென்ற விரக்தியில் இளைஞா் ரயில் முன் பாய்ந்து வியாழக்கிழமை தற்கொலை செய்துகொண்டாா்.

திருச்சி செம்பட்டு மொராய்ஸ் சிட்டியை சோ்ந்தவா் கோகுலகிருஷ்ணன் (36). திருச்சி கன்டோன்மென்ட் பகுதியில் உள்ள மத்திய அரசு நிறுவனத்தில் செயல்பட்டு வந்த சிற்றுண்டிச்சாலையில் ஒப்பந்த ஊழியராக பணியாற்றி வந்தாா். கடந்த 6 ஆண்டுகளுக்கு முன்பு அவருக்கு திருமணமாகி, மனைவி மற்றும் ஆண் குழந்தை உள்ளது. இதனிடையே, குடும்பத் தகராறு காரணமாக அவரது மனைவி குழந்தையை விட்டுவிட்டு பிரிந்து சென்று விட்டாராம். தனது தாய் மற்றும் குழந்தையுடன் கோகுலகிருஷ்ணன் வசித்து வந்தாா்.

இந்நிலையில் அவா் வேலை பாா்த்த சிற்றுண்டிச் சாலைக்கான ஒப்பந்தம் முடிந்ததால், அதன் உரிமையாளா் சிற்றுண்டிச் சாலையை மூடிவிட்டாா். இதனால் பாா்த்துக் கொண்டிருந்த வேலையும் போய்விட்டது. பல இடங்களில் தேடியும் தகுந்த வேலை கிடைக்கவில்லையென கூறப்படுகிறது. மனைவி தரப்பில் பேச்சு நடத்தியும் அவா் சோ்ந்து வாழ சம்மதிக்கவில்லை. இதனால் அவா் விரக்தியில் இருந்தாராம். இந்நிலையில், திருச்சி நெம்பா் 1 டோல்கேட் உத்தமா்கோவில் அருகே, வியாழக்கிழமை காலை சென்னை நோக்கிச் சென்ற வந்தே பாரத் ரயில்முன் பாய்ந்து தற்கொலை செய்துகொண்டுள்ளாா்.

தகவலறிந்த திருச்சி ஜங்ஷன் ரயில்வே போலீஸாா் நிகழ்விடம் சென்று சடலத்தைக் கைப்பற்றி விசாரணை மேற்கொண்டதில், இறந்தது கோகுல கிருஷ்ணன் என்பது தெரியவந்தது.

தொடா்ந்து போலீஸாா் வழக்குப் பதிந்து விசாரிக்கின்றனா்.