மதுக்கடையை முற்றுகையிட்டு போராட்டம்

பொதுமக்களுக்கு இடையூறாக உள்ள மதுக்கடையை மூட வலியுறுத்தி, கடையை பூட்டுப் போட்டு போராட முயன்ால் பரபரப்பு ஏற்பட்டது.

திருச்சி - புதுக்கோட்டை தேசிய நெடுஞ்சாலையில் உள்ள டிவிஎஸ் சோதனைச்சாவடி அருகேயுள்ள முடுக்குப்பட்டி பகுதியில் டாஸ்மாக் அமைந்துள்ளது. இந்த மதுக்கடையால் பொதுமக்களுக்கு பெரிதும் இடையூறு ஏற்பட்டு வருகிறது. மது அருந்துவிட்டு வாகனத்தை இயக்கும் நபா்களால், சாலை விபத்துகள் அதிகரிக்கிறது. மேலும், மது அருந்திவிட்டு வரும் நபா்கள், அப் பகுதியில் செல்லும் பொதுமக்களிடம் தகராறு செய்கின்றனா். பெண்கள், குழந்தைகள், மாணவா்களுக்கு பெரிதும் அச்சுறுதல் நிலவுகிறது. எனவே, இந்தக் கடையை மூடவேண்டும் என பொதுமக்கள் கோரிக்கை விடுத்து வந்தனா்.

இருப்பினும், எந்த நடவடிக்கையும் எடுக்கப்படாததால், மாா்க்சிஸ்ட் கட்சியின் சாா்பில் வெள்ளிக்கிழமை கடைக்கு பூட்டுப் போடும் போராட்டம் அறிவிக்கப்பட்டிருந்தது. இதன்படி, கட்சியின் நிா்வாகிகள் மற்றும் அப்பகுதி பொதுமக்கள் வெள்ளிக்கிழமை காலை மதுக்கடையை முற்றுகையிட்டு போராட்டத்தில் ஈடுபட்டனா். அப்போது, மதுக்கடையின் கதவை இழுத்து பூட்டுப் போட முயன்றனா். பாதுகாப்புக்கு நின்றிருந்த போலீஸாா் அதை தடுத்து நிறுத்தினா். இதனால், போலீஸாருக்கும், போராட்டக் காரா்களுக்கும் இடையே தள்ளு-முள்ளு ஏற்பட்டது. இந்த சம்பவத்தால் அப் பகுதியில் சிறிது நேரம் பரபரப்பு காணப்பட்டது. பின்னா், போராட்டத்தில் ஈடுபட்டவா்களை போலீஸாா் அப்புறப்படுத்தினா்.