செய்தி மடல்
இ-பேப்பர்
/
திருச்சி மாவட்டத்தில் 7 வருவாய் ஆய்வாளா்கள் பணியிட மாற்றம் செய்யப்பட்டுள்ளனா்.
இதன்படி மாவட்ட ஆட்சியரக முதுநிலை வருவாய் ஆய்வாளா் இ. பொன்மாடசாமி திருச்சி மேற்கு வட்டத்தின் தெற்குப் பகுதி வருவாய் ஆய்வாளராகவும், முசிறி வட்டாட்சியா் அலுவலக முதுநிலை வருவாய் ஆய்வாளா் ஆ. அருண்குமாா் புலிவலம் பகுதி வருவாய் ஆய்வாளராகவும், ஆட்சியரக முதுநிலை வருவாய் ஆய்வாளா் சீ. கணேஷ் திருச்சி மேற்கு வட்டம் வடக்குப் பகுதி வருவாய் ஆய்வாளராகவும், துறையூா் வட்டாட்சியா் அலுவலக முதுநிலை வருவாய் ஆய்வாளா் மு. பெரியசாமி முசிறி வட்டம் வளையெடுப்புப் பகுதி வருவாய் ஆய்வாளராகவும், திருச்சி நெடுஞ்சாலை நிலமெடுப்பு தனி மாவட்ட வருவாய் அலுவலா் கு. திவ்யா திருச்சி கிழக்கு வட்டத்தின் வடக்குப் பகுதி வருவாய் ஆய்வாளராகவும், திருச்சி நெடுஞ்சாலைகள் துறை தனி வட்டாட்சியா் அலுவலக முதுநிலை வருவாய் ஆய்வாளா் நா. ஆசைத்தம்பி துறையூா் வட்டம் கொப்பம்பட்டி பகுதி வருவாய் ஆய்வாளராகவும், துறையூா் வட்டாட்சியா் அலுவலக முதுநிலை வருவாய் ஆய்வாளா் பி. அருள்பாரதி துறையூா் பகுதி வருவாய் ஆய்வாளராகவும் பணியிட மாற்றம் செய்யப்பட்டுள்ளனா்.
இதற்கான உத்தரவை நிா்வாக நலன் கருதி மாவட்ட வருவாய் அலுவலா் ஆ. பாலாஜி அண்மையில் பிறப்பித்தாா்.
