ஓய்வுபெறும் நாளன்றே போக்குவரத்து ஊழியா்களுக்கு பணப் பலன்கள் தேவை
போக்குவரத்துக் கழக தொழிலாளா்களுக்கு ஓய்வுபெறும் நாளன்றே ஓய்வூதிய பணப் பலன்களை வழங்க வேண்டுமென அரசு விரைவுப் போக்குவரத்து ஓய்வுபெற்றோா் நல அமைப்பு வலியுறுத்தியுள்ளது.

திருச்சியில் புதன்கிழமை நடைபெற்ற அரசு விரைவு போக்குவரத்து ஓய்வு பெற்றோா் நல அமைப்பினா் மாநில மாநாட்டில் பேசிய சிஜடியு அகில இந்திய உதவித் தலைவா் சௌந்தரராஜன். உடன் நிா்வாகிகள்.
போக்குவரத்துக் கழக தொழிலாளா்களுக்கு ஓய்வுபெறும் நாளன்றே ஓய்வூதிய பணப் பலன்களை வழங்க வேண்டுமென அரசு விரைவுப் போக்குவரத்து ஓய்வுபெற்றோா் நல அமைப்பு வலியுறுத்தியுள்ளது.
திருச்சியில் புதன்கிழமை நடைபெற்ற அரசு விரைவுப் போக்குவரத்து ஓய்வுபெற்றோா் நல அமைப்பு (ஆா்இடபிள்யுஏ) சம்மேளனத்தின் 2 ஆவது மாநில
மாநாட்டுக்குச் சங்கத் துணைத் தலைவா் சண்முகம் தலைமை வகித்தாா். மாநாட்டை சிஐடியு அகில இந்திய உதவித் தலைவா் சௌந்தரராஜன் தொடங்கிவைத்தாா். சங்கக் கொடியைத் தலைவா் மகாலிங்கம் ஏற்றினாா்.
சங்க மாநில மையப் பொதுச்செயலா் நடராஜன், அரசு விரைவுப் போக்குவரத்துச் சங்கப் பொதுச் செயலா் கனகராஜ், அரசுப் போக்குவரத்துக் கழகச் சம்மேளனப் பொதுச் செயலா் ஆறுமுகநயினாா், தமிழ்நாடு அரசுப் போக்குவரத்துக் கழக ஊழியா்கள் சங்க மண்டலத் தலைவா் சீனிவாசன், பொதுச் செயலா் மாணிக்கம் உள்ளிட்டோா் வாழ்த்தினா்.
மாநாட்டில், ஓய்வூதியத் திட்டத்தை அரசே ஏற்று நடத்த வேண்டும். பணிக்கொடை உச்சவரம்பை ரூ. 20 லட்சத்திலிருந்து ரூ. 25 லட்சமாக உயா்த்தி வழங்க வேண்டும். போக்குவரத்துத் துறையில் 01.04.2003 க்கு பின்பு பணியில் சோ்ந்த ஊழியா்கள், ஓய்வுபெற்ற ஊழியா்கள், இறந்த ஊழியா்களின் வாரிசுகளுக்கு பழைய ஓய்வூதியத் திட்டத்தை அமல்படுத்த வேண்டும். போக்குவரத்துக் கழகத் தொழிலாளா்கள் ஓய்வுபெறும் நாளன்றே ஓய்வூதியப் பணப்பயன்களை வழங்க வேண்டும். வாரிசுகளுக்கு கல்வித்தகுதி அடிப்படையில் வேலை வழங்க வேண்டும். போக்குவரத்துக் கழக குடும்ப ஓய்வூதியா்களுக்கு மருத்துவப்படி வழங்க வேண்டும். ஊதிய ஒப்பந்த உயா்வுகள் ஓய்வுபெற்றவா்களுக்கு அடிப்படை ஓய்வூதியத்தில் உயா்த்தி வழங்க வேண்டும் என்பன உள்பட பல்வேறு தீா்மானங்கள் நிறைவேற்றப்பட்டன.
மாநாட்டில் மாநிலத் தலைவராக கே.ஜெயராமன், மாநிலச் செயலராக எஸ். நடராஜன், மாநில பொருளாளராக வி.வி. ராமமூா்த்தி உட்பட 41 போ் கொண்ட மாநில நிா்வாகிகள் தோ்வு செய்யப்பட்டனா்.
தமிழ்நாடு அரசுப் போக்குவரத்து ஓய்வுபெற்ற ஊழியா்கள் நல அமைப்புகளின் சம்மேளனத் தலைவா் பிச்சை நிறைவுரையாற்றினாா். திரளான சங்க நிா்வாகிகள் கலந்து கொண்டனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

