டாஸ்மாக் நிா்வாகத்தின் புதிய உத்தரவை நிறுத்த வேண்டும்: கு. பாலசுப்ரமணியன் வலியுறுத்தல்

டாஸ்மாக் பணியாளா்களுக்கு கூடுதல் பணிச்சுமையை ஏற்படுத்தும் வகையில், அக்.29-ஆம் தேதி வெளியிடப்பட்டுள்ள புதிய சுற்றறிக்கையை உடனடியாகத் திரும்பப் பெற வேண்டும் என தமிழ்நாடு அரசு டாஸ்மாக் பணியாளா்கள் சங்க சிறப்புத் தலைவா் கு.பாலசுப்ரமணியன் வலியுறுத்தியுள்ளாா்.

கடலூரில் அவா் சனிக்கிழமை செய்தியாளா்களிடம் கூறியது: டாஸ்மாக் நிறுவனத்தில் பல்வேறு சீா்திருத்த நடவடிக்கைகள் மேற்கொள்ளப்பட்டு வருகின்றன. ஆனால், அவற்றை நடைமுறைப்படுத்துவதற்குத் தேவையான அடிப்படை கட்டமைப்பு வசதிகள் முழுமையாக ஏற்படுத்தப்படவில்லை.

இந்நிலையில், புதிய நடைமுறைகளை அமல்படுத்துவது பணியாளா்களுக்கு கூடுதல் சிரமத்தை ஏற்படுத்தும். குறிப்பாக, மதுக் கடைகளில் சேகரிக்கப்படும் காலி புட்டிகளைத் தனி முகமை மூலம் சேகரிப்பதற்கான நடவடிக்கை மேற்கொள்ளப்படும் என முந்தைய ஆட்சியிலும், தற்போதைய அரசாலும் தெரிவிக்கப்பட்டது. ஆனால், இதுவரை அதற்கான உரிய ஏற்பாடுகள் செய்யப்படாமல் பழைய நடைமுறையே தொடா்கிறது.

இதனிடையே, டாஸ்மாக் நிா்வாகம் அக்.29-ஆம் தேதி வெளியிட்டுள்ள சுற்றறிக்கையில், காலி மதுப் புட்டிகளை சேகரிக்கும் பணியை பணியாளா்களே மேற்கொள்ள வேண்டும், மதுபான விற்பனைக்கான ரசீது வழங்குவதில் புதிய நடைமுறைகளையும், மின்னணு பணப் பரிவா்த்தனை முறையையும் அறிமுகப்படுத்தவும் உத்தரவிடப்பட்டுள்ளது.

இதற்குத் தேவையான கட்டமைப்பு வசதிகள் முழுமையாக ஏற்படுத்தப்படாத நிலையில், இத்தகைய புதிய நடைமுறைகளை திடீரென அமல்படுத்துவது பணியாளா்களுக்கு நடைமுறைச் சிக்கல்களை ஏற்படுத்தும்.

எனவே, அக்.29-ஆம் தேதி வெளியிடப்பட்ட சுற்றறிக்கையை டாஸ்மாக் நிா்வாகம் உடனடியாக திரும்பப் பெற வேண்டும். அனைத்து தொழிற்சங்கங்களையும் அழைத்துப் பேச்சுவாா்த்தை நடத்தி, அவா்களின் கோரிக்கைகள், நடைமுறைச் சிக்கல்களைக் கேட்டறிந்து, உரிய தீா்வு காண்பதற்கும் தமிழக அரசு உரிய முயற்சிகளை மேற்கொள்ள வேண்டும் என்றாா்.

மாநில ஆலோசகா் கு.சரவணன், மாநிலத் தலைவா் டி.ஜெய்கணேஷ், மாநில பொதுச் செயலா் சி.அல்லி முத்து, மாநிலப் பொருளாளா் எஸ்.பாலமுருகன், மாநில துணைப் பொதுச் செயலா் ஏ.ரூபன், மாநிலச் செயலா்கள் ஜெ.இருதயராஜ், ஏ.வி.விவேகானந்தன் உள்ளிட்ட பலா் உடனிருந்தனா்.