23 வபவுன் நகைகள் திருட்டு வழக்கில் 2 பெண்கள் கைது
திருச்சியில் இரு வீடுகளின் பூட்டை உடைத்து 23 பவுன் தங்க நகைகளைத் திருடிய வழக்கில் இரு பெண்களை போலீஸாா் செவ்வாய்க்கிழமை கைது செய்தனா்.
கைது - கோப்புப் படம்
திருச்சியில் இரு வீடுகளின் பூட்டை உடைத்து 23 பவுன் தங்க நகைகளைத் திருடிய வழக்கில் இரு பெண்களை போலீஸாா் செவ்வாய்க்கிழமை கைது செய்தனா்.
திருச்சி எடமலைபட்டிப்புதூா் எஸ்எஸ் குடியிருப்பைச் சோ்ந்தவா் எஸ். ரேணுகா (64), ஓய்வுபெற்ற ரயில்வே ஊழியா். இவா் கடந்த அக். 28-ஆம் தேதி கோவை சென்றுவிட்டு நவ. 1 இல் திரும்பியபோது வீட்டின் பூட்டு உடைக்கப்பட்டு உள்ளே இருந்த 15 பவுன் தங்க நகைகள் திருடுபோனது தெரியவந்தது.
8 பவுன் நகை, பணம் திருட்டு: அதே குடியிருப்பைச் சோ்ந்தவா் எஸ். மதியழகன் (65), அண்ணாமலை பல்கலைக்கழக உடற்கல்வித் துறையில் உதவியாளராகப் பணியாற்றி ஓய்வுபெற்றவா். உடல்நிலை சரியில்லாத தனது மனைவியை கடந்த அக். 1-ஆம் தேதி இவா் மருத்துவமனைக்கு அழைத்துச் சென்று திரும்பியபோது, வீட்டின் பூட்டு உடைக்கப்பட்டு உள்ளே இருந்த 8 பவுன் தங்க நகைகள், ரூ.30 ஆயிரம் திருடுபோனது தெரியவந்தது.
இதுகுறித்து எடமலைபட்டிப்புதூா் காவல் நிலையத்தில் ரேணுகா, மதியழகன் ஆகியோா் அளித்த புகாரின்பேரில், போலீஸாா் வழக்குப் பதிந்து நடத்திய விசாரணையில், இரு வீடுகளிலும் திருடியது எடமலைபட்டிப்புதூரைச் சோ்ந்த சாரதா, மொ்ஷி ஆகியோா் எனத் தெரியவந்தது. இதையடுத்து இருவரையும் போலீஸாா் செவ்வாய்க்கிழமை கைது செய்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

