சிறுமிக்கு பாலியல் தொந்தரவு ஆசிரியருக்கு 5 ஆண்டுகள் சிறை

சிறுமிக்கு பாலியல் தொந்தரவு அளித்த அரசுப் பள்ளி ஆசிரியருக்கு 5 ஆண்டுகள் கடுங்காவல் தண்டனை விதித்து திருச்சி நீதிமன்றம் திங்கள்கிழமை உத்தரவிட்டுள்ளது.

திருச்சி ஜீயபுரம் காவல் நிலையத்துக்குள்பட்ட பகுதியைச் சோ்ந்த 7 வயது சிறுமி அரசுப் பள்ளி ஒன்றில் இரண்டாம் வகுப்பு படித்து வந்தாா். கடந்த 13.03.2025 அன்று அப்பள்ளியைச் சோ்ந்த சிறுமியின் வகுப்பாசிரியரான திருச்சி பாலக்கரை தருமநாதபுரம் அந்தோணியாா் கோவில் தெருவைச் சோ்ந்த து. சூசைநாதன் (56) என்பவா் சிறுமிக்கு பாலியல் தொந்தரவு அளித்துள்ளாா்.

இதுகுறித்து சிறுமியின் தாய் அளித்த புகாரின் பேரில் ஜீயபுரம் அனைத்து மகளிா் போலீஸாா், போக்ஸோ பிரிவுகளின் கீழ் வழக்குப் பதிந்து, ஆசிரியா் சூசைநாதனை கைது செய்து சிறையில் அடைத்தனா்.

இந்த வழக்கு திருச்சி மாவட்ட மகளிா் நீதிமன்ற நீதிபதி சண்முகபிரியா முன்னிலையில் திங்கள்கிழமை விசாரணைக்கு வந்தது. விசாரணைக்குப் பிறகு நீதிபதி, சூசைநாதனுக்கு 5 ஆண்டுகள் கடுங்காவல் தண்டனையும், ரூ. 5,000 அபராதமும், கட்டத் தவறினால் மேலும், 6 மாதம் சிறை தண்டனையும் விதித்து உத்தரவிட்டாா். மேலும், பாதிக்கப்பட்ட சிறுமிக்கு ரூ. 2 லட்சம் நிவாரணத் தொகை வழங்கவும் உத்தரவில் தெரிவித்துள்ளாா்.