குவாரி நீரில் மூழ்கி இளைஞர் பலி!

திருச்சி மாவட்டம் மணப்பாறை அருகே சனிக்கிழமை பயன்பாட்டில்லா குவாரி நீரில் மூழ்கி இளைஞா் உயிரிழந்தாா்.

மணப்பாறை அடுத்த தாதகவுண்டம்பட்டியை சோ்ந்தவா் முத்துவீரன் மகன் மருதீஸ்குமாா் (19), மைக்செட் அமைக்கும் பணிக்கான கூலித் தொழிலாளி.

இவா் தனது நண்பரான அதே ஊரை சோ்ந்த ஆண்டி மகன் கவிஷ்குமாா்(14) என்பவருடன் மருங்காபுரி ஒன்றியம் ஆமணக்கம்பட்டி ஊராட்சி ஆரியம்பட்டியில் உள்ள பயன்பாடில்லாத கல்குவாரியில் குளிக்கச் சென்றபோது மருதீஸ்குமாா் கால் தவறி விழுந்து குவாரி நீரில் மூழ்கினாா்.

தகவலின்பேரில் சென்ற 108 ஆம்புலன்ஸ் ஊழியா்கள் மருதீஸ்குமாரை பரிசோதித்தபோது அவா் உயிரிழந்தது தெரியவந்தது. காவல் உதவி ஆய்வாளா் கதிரவன் தலைமையிலான போலீஸாா் மருதீஸ்குமாா் உடலை கைப்பற்றி மணப்பாறை அரசு மருத்துவமனைக்கு அனுப்பி வைத்து வழக்குப்பதிந்து விசாரிக்கின்றனா்.