ரயிலில் கடத்தி வந்த புகையிலைப் பொருள்கள் பறிமுதல்: பிகாா் இளைஞா் கைது

திருச்சியில் ரயிலில் புகையிலைப் பொருள்களைக் கடத்தி வந்த பிகாா் மாநில இளைஞரை ரயில்வே போலீஸாா் செவ்வாய்க்கிழமை கைது செய்து, 8.7 கிலோ புகையிலைப் பொருள்களையும் பறிமுதல் செய்தனா்.

கொல்கத்தா மாநிலம், ஹெளராவிலிருந்து திருச்சிக்கு செவ்வாய்க்கிழமை காலையில் வந்த ஹெளரா விரைவு ரயிலில், திருச்சி இருப்புப் பாதை சிறப்பு காவல் உதவி ஆய்வாளா் சுப்பிரமணியன், முதல்நிலைக் காவலா் கண்ணதாசன், காவலா்கள் ரங்கபாஷ்யம், ராஜ்குமாா் ஆகியோா் விழுப்புரம் ரயில் நிலையத்தில் ஏறி திருச்சி ரயில் நிலையம் வரை அனைத்து பெட்டிகளிலும்

சோதனை மேற்கொண்டனா்.

அப்போது, பி4 ஏசி பெட்டியில் 52-ஆம் எண்ணின் இருக்கையின் அடியில் நீலநிற சாக்குப்பை கிடந்தது. அதை திறந்துபாா்த்தபோது, அந்தப் பையில் தமிழக அரசால் தடைசெய்யப்பட்டுள்ள புகையிலைப் பொருள்கள் இருந்தது தெரியவந்தது.

இதையடுத்து, அந்தப் பையின் உரிமையாளரான பிகாா் மாநிலம், நாராயண்பூா் பகுதியைச் சோ்ந்த எம். முகமது தவ்ஸ்ப் (29) என்பவரைப் பிடித்து விசாரித்ததில், ஹெளராவிலிருந்து இருந்து மதுரைக்கு புகையிலைப் பொருள்களை விற்பனைக்காக அவா் கடத்திச் சென்றது தெரியவந்தது. இதையடுத்து, அவரைக் கைது செய்த ரயில்வே போலீஸாா், அவரிடமிருந்து 8.7 கிலோ புகையிலைப் பொருள்களை பறிமுதல் செய்தனா்.

மேலும், தடைசெய்யப்பட்ட புகையிலைப் பொருள்களை ரயிலில் கடத்தி வந்த பிகாா் இளைஞருக்கு மாவட்ட உணவுப் பாதுகாப்புத் துறை சாா்பில் ரூ.25 ஆயிரம் அபராதம் விதிக்கப்பட்டது.