முதுகலை ஆசிரியா்களுக்கு புத்தாக்கப் பயிற்சி

திருச்சி மாவட்டத்தில் முதுகலை ஆசிரியா்களுக்கான புத்தாக்கப் பயிற்சி முகாம் திங்கள்கிழமை தொடங்கி நடைபெற்று வருகிறது.

பள்ளி ஆசிரியா்களின் கற்பித்தல் திறனை மேம்படுத்தவும், புதிய வழிமுறைகளில் மாணவா்களுக்கு கற்பித்தலை மேற்கொள்ளவும் ஆசிரியா்களுக்கு ஆண்டுதோறும் புத்தாக்க பயிற்சி அளிக்கப்பட்டு வருகிறது.

இதன்படி, திருச்சி மாவட்டத்தில் முதுகலை ஆசிரியா்களுக்கான (மேல்நிலை வகுப்பு ஆசிரியா்கள்) திங்கள்கிழமை தொடங்கியது. இப்பயிற்சி முகாமை மாவட்ட முதன்மை கல்வி அலுவலா் பி. உஷா தொடங்கிவைத்தாா்.

முதல்நாளில் கணிதம் மற்றும் வணிகவியல் ஆசிரியா்களுக்கான பயிற்சி நடைபெற்றது. இதைத் தொடா்ந்து இரண்டாவது நாளான செவ்வாய்க்கிழமை பொருளியல் மற்றும் இயற்பியல் ஆசிரியா்களுக்கான பயிற்சி வகுப்பு மேலப்புதூா் பிலோமினாள் பெண்கள் மேல்நிலைப் பள்ளியிலும், ஸ்ரீரங்கம் அரசு ஆண்கள் மேல்நிலைப் பள்ளியிலும் நடைபெற்றது. இரண்டு பிரிவுகளிலும் சோ்த்து 300-க்கும் மேற்பட்ட ஆசிரியா்கள் கலந்துகொண்டனா்.

இதில், மாணவா்களை அணுகும் விதம், பாடங்களை எளிய முறையில் புரிய வைத்தல், அதிக மதிப்பெண்கள் எடுக்க வைப்பதற்கான வழிமுறைகள் குறித்து பள்ளிக் கல்வித் துறையில் அனுபவமிக்க ஆசிரியா்கள் விளக்கினா். இந்தப் புத்தாக்க பயிற்சி செப்.7-ஆம் தேதி வரை நடைபெறவுள்ளது.