உலக எழுத்தறிவு தினம் அரசுப் பள்ளியில் கொண்டாட்டம்

திருச்சி அருகே போசம்பட்டி அரசுப் பள்ளியில் உலக எழுத்தறிவு தினம் செவ்வாய்க்கிழமை கொண்டாடப்பட்டது.

உலக எழுத்தறிவு தினம் ஆண்டுதோறும் செப்டம்பா் 8-ஆம் தேதி கொண்டாடப்பட்டு வருகிறது. இதையொட்டி, போசம்பட்டி அரசு உயா்நிலைப் பள்ளி மற்றும் ஊராட்சி ஒன்றிய தொடக்கப் பள்ளியில் உலக எழுத்தறிவு தினம் தொடா்பான விழிப்புணா்வு நிகழ்ச்சி நடைபெற்றது.

தமிழா்களின் ஆரம்பகால எழுத்து முறையான தமிழி எழுத்துகளை பானை ஓடுகளில் எழுதும் நிகழ்வு நடைபெற்றது. இதில், மாணவா்கள் அனனவரும் தங்கள் பெயா்களை பானை ஓடுகளில் தமிழி முறையில் எழுதி அசத்தினா். இதற்கான பயிற்சியை மாணவா்களுக்கு ஆசிரியா்கள் அளித்தனா்.

இந்த நிகழ்ச்சியில் போசம்பட்டி அரசு உயா்நிலைப் பள்ளி தலைமையாசிரியா் எஸ். சற்குணன், ஊராட்சி ஒன்றிய தொடக்கப் பள்ளி தலைமையாசிரியா் கலைச்செல்வி, ஆசிரியா்கள் மற்றும் மாணவா்கள் கலந்து கொண்டனா்.