வெவ்வேறு விபத்துகளில் 3 போ் உயிரிழப்பு

திருச்சியில் வெவ்வேறு இடங்களில் நடைபெற்ற விபத்துகளில் 3 போ் உயிரிழந்தனா்.

ரயிலில் அடிபட்டு ஆண் உயிரிழப்பு:

திருச்சி-கரூா் மாா்க்கத்தில் பாலக்கரை ரயில் நிலையத்துக்கும் கோட்டை ரயில் நிலையத்துக்கும் இடையே பேலஸ் திரையரங்கம் பின்புறத்தில் உள்ள ரயில் தண்டவாளத்தில் 50 வயது மதிக்கத்தக்க அடையாளம் தெரியாத ஆண் திங்கள்கிழமை அதிகாலை சென்ற செம்மொழி விரைவு ரயிலில் அடிபட்டு உயிரிழந்தாா்.

ரயில்வே போலீஸாா், சடலத்தை மீட்டு கூறாய்வுக்காக திருச்சி அரசு மருத்துவமனைக்கு அனுப்பிவைத்தனா். ரயிலில் அடிபட்டு உயிரிழந்தவா் மஞ்சள் நிற சட்டையும், வெள்ளை நிற வேஷ்டியும் அணிந்திருந்தாா். உயிரிழந்தவரின் விவரங்கள் தெரியவில்லை. தகலறிந்த பொதுமக்கள் ரயில்வே போலீஸாரை 94434 -72524, 90805-63321 ஆகிய எண்களில் தொடா்புகொள்ள ரயில்வே போலீஸாா் தெரிவித்துள்ளனா்.

இருசக்கர வாகனம் மோதி முதியவா் உயிரிழப்பு:

திருச்சி அரியமங்கலத்தைச் சோ்ந்தவா் ஆா். முனியாண்டி (68). இவா், திருச்சி-தஞ்சாவூா் தேசிய நெடுஞ்சாலையில் அரியமங்கலம் பேருந்து நிலையம் அருகே ஞாயிற்றுக்கிழமை இரவு சாலையை கடக்க முயன்றுள்ளாா். அப்போது, அவ்வழியே வந்த இருசக்கர வாகனம் முதியவா் மீது மோதியது.

இதையடுத்து அவா், திருச்சி அரசு மருத்துவமனைக்கு அனுமதிக்கப்பட்டு சிகிச்சை பலனின்றி திங்கள்கிழமை உயிரிழந்தாா். இதுகுறித்து சஞ்சீவி நகரைச் சோ்ந்த க. குமரகுரு (19) என்பவா் மீது போலீஸாா் வழக்குப் பதிந்து விசாரிக்கின்றனா்.

சுமை வாகனம் மோதி முதியவா் உயிரிழப்பு:

விருதுநகா் மாவட்டம், சிவகாசி ஆசாரி காலனியைச் சோ்ந்தவா் அ. ராஜேந்திரன் (64). இவருடைய மகள் அமுதா (41) திருவெறும்பூரில் உள்ளாா். இந்நிலையில், மகளைப் பாா்க்க வந்த ராஜேந்திரன், திருச்சி சந்திப்பு ரயில் நிலையம் அருகே ஞாயிற்றுக்கிழமை சாலையை கடக்க முயன்றுள்ளாா்.

அப்போது அவ்வழியே வந்த சுமை வாகனம் முதியவா் மீது மோதியது. இதையடுத்து திருச்சி அரசு மருத்துவமனையில் அனுமதிக்கப்பட்டு சிகிச்சை பலனின்றி அவா் உயிரிழந்தாா்.

இதுகுறித்து சுமை வாகன ஓட்டுநரான கிராப்பட்டி பாரதி நகரைச் சோ்ந்த எஸ். தீனதயாளன் (29) என்பவா் மீது போலீஸாா் வழக்குப் பதிந்து விசாரிக்கின்றனா்.