கோயில் உண்டியல் உடைத்து காணிக்கை திருட்டு

வேலூரில் கோயில் உண்டியல் உடைத்து காணிக்கைகளை திருடிச் சென்ற நபா்களை போலீஸாா் தேடி வருகின்றனா்.

வேலூா் காமராஜா் சிலை அருகே அமைந்துள்ள சக்தி விநாயகா் கோயில் உண்டியலை உடைத்து காணிக்கையை அடையாளம் தெரியாத நபா்கள் திருடிச் சென்றுள்ளனா்.

இக்கோயிலுக்கு ஞாயிற்றுக்கிழமை தரிசனம் செய்ய வந்த பொதுமக்கள், உண்டியல் உடைக்கப்பட்டிருப்பதைக் கண்டு அதிா்ச்சியடைந்தனா்.

உடனடியாக இதுகுறித்து கோயில் நிா்வாகிகளுக்கு தகவல் தெரிவித்தனா். அவா்கள் சம்பவ இடத்துக்கு விரைந்து வந்து பாா்வையிட்டதில், அடையாளம் தெரியாத நபா்கள் உண்டியலை உடைத்து காணிக்கைப் பணத்தைத் திருடிச் சென்றிருப்பது தெரியவந்தது.

இதுகுறித்து கோயில் நிா்வாகி எத்திராஜ் கூறுகையில், இக்கோயிலில் தினமும் பூஜைகள் நடைபெற்று வருகின்றன. அப்பகுதியைச் சோ்ந்த ஏராளமான பொதுமக்கள் இங்கு வந்து சாமி தரிசனம் செய்கின்றனா். சனிக்கிழமை இரவு வழக்கம்போல் பூஜைகளை முடித்துவிட்டு பூசாரி சென்றுவிட்டாா். ஞாயிற்றுக்கிழமை நான் சாமி தரிசனம் செய்துவிட்டு உண்டியலில் காணிக்கை செலுத்தச் சென்றபோது, அது உடைக்கப்பட்டிருந்ததைக் கண்டு அதிா்ச்சியடைந்தேன்.

கடந்த மாதமும் இதேபோன்று கோயிலில் உண்டியல் உடைக்கப்பட்டு திருட்டுப் போனது. தற்போது 2-ஆவது முறையாக திருட்டுச் சம்பவம் நிகழ்ந்துள்ளது. எனவே, போலீஸாா் குற்றவாளிகளைக் கண்டறிந்து உரிய நடவடிக்கை எடுக்க வேண்டும் என்றாா். இச்சம்பவம் குறித்து வேலூா் வடக்கு குற்றப்பிரிவு போலீஸாா் வழக்குப் பதிவு செய்துள்ளனா்.