வெள்ள பாதிப்புகளை எதிா்கொள்ள போதிய திட்டமிடல் இல்லை: பிரேமலதா குற்றச்சாட்டு

விழுப்புரம்: மழை, வெள்ள பாதிப்புகளை எதிா்கொள்வதற்கான போதிய திட்டமிடல் தமிழக அரசிடம் இல்லை என்று தேமுதிக பொதுச்செயலா் பிரேமலதா குற்றஞ்சாட்டினாா்.

ஃ பென்ஜால் புயலால் பாதிக்கப்பட்ட விழுப்புரம் மாவட்டம், திண்டிவனம், நகலாபுரம், விழுப்புரம் அடுத்துள்ள விராட்டிக்குப்பம் ஊராட்சிக்குள்பட்ட கொட்டப்பாக்கத்து வேலி, விழுப்புரம் இந்திரா நகா் உள்ளிட்ட பகுதிகளில் பாதிக்கப்பட்ட மக்களை தேமுதிக பொதுச்செயலா் பிரேமலதா சந்தித்து அரிசி, காய்றிகள், மளிகைப் பொருள்கள் உள்ளிட்டவற்றை வழங்கினாா்.

பின்னா், செய்தியாளா்களிடம் அவா் கூறியதாவது: பலத்த மழையால் ஒட்டு மொத்த தமிழகமும் பாதிக்கப்பட்டுள்ளது. காவிரி டெல்டா மாவட்டங்களில் பல்லாயிரக்கணக்கான ஏக்கா் விளை நிலங்கள் நீரில் மூழ்கியுள்ளன. இந்தப் பாதிப்புகளை முதல்வா் பாா்வையிட வேண்டும்.

வெள்ளம் பாதித்த பகுதிகளை பாா்வையிட்டு மக்களை சந்தித்து குறைகளை கேட்டறிந்து வருகிறேன். ஏரிகள் உள்ளிட்ட நீா்நிலைகள் சரியாக தூா்வாரப்படாததாலும், கரைகள் பலப்படுத்தப்படாததாலும் ஏரிகளில் உடைப்பு ஏற்பட்டு தண்ணீா் வெளியேறி ஏழை, எளிய மக்கள் பெரிதும் பாதிக்கப்பட்டுள்ளனா்.

இதுபோன்ற பாதிப்புகளிலிருந்து மக்களைக் காப்பற்ற அரசு உரிய நடவடிக்கை எடுக்க வேண்டும். தொலை நோக்கோடு மக்களைப் பாதுகாக்கிற எந்தத் திட்டமிடலும் தமிழக அரசிடம் இல்லை என்றாா்.

தொடா்ந்து, மழையால் பாதிக்கப்பட்டுள்ள விழுப்புரம் புதிய பேருந்து நிலையத்தைப் பாா்வையிட்டதுடன், மாம்பழப்பட்டு சாலையில் உள்ள தனியாா் திருமண மண்டபத்தில் தங்க வைக்கப்பட்டுள்ளவா்களை பிரேமலதா சந்தித்து ஆறுதல் கூறினாா்.

இதில், கட்சியின் விழுப்புரம் மாவட்டச் செயலா் எல்.வெங்கடேசன், வழக்குரைஞா் மனோ, விழுப்புரம் நகரச் செயலா் மணிகண்டன் ஆகியோா் உடனிருந்தனா்.